Meta takon Berishën, Meidanin e Nishanin, biseda mes tyre
Kreu i Shtetit dhe ish- presidentët janë mbledhur së bashku në forumin e Baku- t Presidenti me kryeministrin turk: Partner kryesor ekonomik
Presidenti i Republikës, Ilir Meta është takuar dje, në Baku të Azerbajxhanit me tre prej paraardhësve të tij, ish- presidentët Sali Berisha, Rexhep Meidani e Bujar Nishani. Të katërt janë të pranishëm në forumin e 6- të Baku- së, me temë: "Mbyllja e boshllëqeve për krijimin e një shoqërie gjithëpërfshirëse" dhe kanë gjetur momentin të bisedojnë mes tyre, në një pushim të këtij aktiviteti. Nuk dihet nëse të katër figurat shqiptare kanë marrë më shumë kohë më pas për t'u ulur e biseduar më gjatë mes tyre apo kjo bisedë ka qenë e shkurtër. Ata e takuan kreun e shtetit, pak javë më parë, por veç e veç, për të dhënë mendimet e tyre në lidhje me kërkesën që Presidenti Meta ka marrë nga Ministria e për Evropën dhe Punët e Jashtme, sa i përket nisjes së negociatave zyrtare me palën greke për një marrëveshje të re për paktin detar. Në këtë aktivitet në Baku të Azerbajxhanit nuk kanë qenë të pranishëm dy ish- presidentët e tjerë, Alfred Moisiu e Bamir Topi. Nga ana e tij, ish- presidenti Sali Berisha ka mbajtur edhe një fjalë në këtë forum me temën "Si ndikojnë fuqitë e reja në çështjet globale". "Bota e sotme është një botë plot hendeqe, duke penguar krijimin e një shoqërie me të vërtetë gjithëpërfshirëse, të çliruar nga vështirësitë ekonomike, konfliktet e dhunshme, degradimi intelektual dhe moral. Në një botë që nuk është më njëpolare, por ku një numër fuqish botërore dhe rajonale po rriten fuqishëm, balancat po ndryshojnë duke ndikuar edhe në jetën e shoqërive të vendeve të tjera", bëri me dije, Berisha, përmes rrjetit social.
TAKIMI
Ndërkohë, Presidenti i Republikës Ilir Meta zhvilloi dje, një takim me kryeministrin e Republikës së Turqisë, zotin Binali Yildirim, i cili, gjithashtu, merr pjesë në Forumin Global të Baku- së. Presidenti Meta vlerësoi marrëdhëniet tradicionalisht miqësore e vëllazërore, si dhe të partneritetit strategjik ndërmjet dy vendeve dhe shprehu mirënjohjen për mbështetjen që Turqia i ka dhënë shqiptarëve ndër vite. Në mënyrë të veçantë, Presidenti Meta vlerësoi rolin dhe kontributin e dhënë nga agjencia shtetërore turke për bashkëpunim dhe koor- Presidenti Meta vlerësoi dje, gjatë takimit me kryeministrin turk, se Turqia është një nga partnerët kryesorë ekonomik e tregtar për Shqipërinë dhe nënvizoi se, mundësitë e rritjes së këtij bashkëpunimi, si në aspektin tregtar, ashtu edhe atë të investimeve të drejtpërdrejta turke, që po rriten në mënyrë që qëndrueshme, janë të mëdha.
dinim, TIKA, e cila është e pranishme dhe e ka shtrirë aktivitetin e saj mbështetës në të gjithë vendin. Presidenti Meta vlerësoi, gjithashtu, se Turqia është një nga partnerët kryesorë ekonomik e tregtar për Shqipërinë dhe nënvizoi se, mundësitë e rritjes së këtij bashkëpunimi, si në aspektin tregtar, ashtu edhe atë të investimeve të drejtpërdrejta turke, që po rriten në mënyrë që qëndrueshme, janë të mëdha. Duke u ndalur në çështjet e sigurisë, Presidenti Meta theksoi se, si dy vende aleate në NATO dhe partnere prej vitesh, Shqipëria dhe Turqia do të vijojnë bashkëpunimin e tyre të ngushtë në luftën kundër terrorizmit ndërkombëtar, organizatave terroriste dhe kërcënimeve të tjera të përbashkëta.