Vasili: Shqipëria pa një drejtim shtetëror, nuk ka takim me Ramën

Kreu

i Grupit Parlamentar të LSI, Petrit Vasili akuzoi kryeministrin e vendit për situatën ekonomike, në të cilën ndodhet momentalisht vendi. Vasili tha që heqja e ndihmës ekonomike është jo një ndihmë jetike, por ndihmë biologjike për bukën e gojës. "Ky shtet i Edi Ramës, me gafa të rrënuara të skemës ekonomike është një sistem i shthurur. Paketa që qeveria ofroi apo ndihma ekonomike nuk ofron jo minimunin jetik, por as minimunin biologjik. Shqipëria e këtij kryeministri nuk lufton dot as varfërinë. Të heqë koncesionet, të ndihmojë për mbijetesën nga uria. Nga dje është fare qartë se shqiptarët janë pa një drejtim shtetëror. Ka vetëm një objektiv, të shpërdorojë për palma të thara, dhe sheshe jo frytdhënëse", u shpreh Vasili. I pyetur nga gazetarët lidhur me takimin që është aluduar në media për një takim mes Kryemadhit edhe Ramës, Vasili u shpreh se mes tyre nuk ka pasur dhe nuk do të ketë asnjëherë ndonjë takim. Nuk ka pasur asnjë takim të zonjës Kryemadhi me kryeministrin e vendit. Zonja Kryemadhi ka pasur dhe ka vendosur një standard, transparencën absolute në takimet politike. Për sa i takon pozicionimit LSI janë të vendosur shumë qartë në opozitë. Salla e parlamentit tregoi këtë gjë, votimi tregoi të njëjtën gjë. Dje jo vetëm për LSI, por edhe për Bashën, pasi opozita dhe 2 liderët e saj treguan përpara shqiptarëve dy çështje të mëdha", tha Vasili. Ndërsa për mundësinë e bashkëpunimit politik me PD- në për zgjedhjet vendore, Vasili tha se ky është një diskutim i dorës së dytë duke theksuar se fokusi i opozitës është lufta ndaj qeverisë që sipas tij po varfëron shqiptarët. "Kur Shqipëria rrezikohet nga një kriminalizim kapilar dhe i skajshëm, në radhë të parë jemi të thirrur t'i japim përgjigje këtyre çështjeve të mëdha politike", tha ai.