Financimi rus i PD, Karpushin: Hetimi në SHBA nuk faktoi asgjë
Ambasadori rus mohon akuzat për ndërhyrje në zgjedhje: Spekulime "Duam të përmirësojmë marrëdhëniet me Shqipërinë"
Ambasadori rus në vendin tonë, Ale ksander Karpushin, mohoi dje akuzat për financimin rus të PDSH- së. Ai i quajti pretendimet për përfshirjen e Rusisë në financimin e Partisë Demokratike si spekulime të pabaza. Ambasadori Karpushin tha se nuk e kupton valën e re të sulmeve kundër Kremlinit, që mund të ketë si qëllim sipas tij, përkeqësimin e situatës përpara zgjedhjeve ose për të përkeqësuar imazhin e shtetit që do të organizojë kampionatin botëror të futbollit në qershorin e këtij viti. Ndaj Karpushin i quajti këto akuza të pabaza, duke risjellë në vëmendjen e të gjithëve se për këtë çështje është hetuar edhe në SHBA dhe nuk është faktuar asgjë. "Të gjitha akuzat që përmendën, të gjitha këto spekulime janë të pabaza edhe përsa i përket situatës në SHBA edhe sa i përket Shqipërisë, ku kohët e fundit një akuzë e shpikur është përdorur në kontekst të betejës së brendshme politike midis PS dhe PD. Nuk e di cila është arsye për këtë valë të re akuzash kundër Rusisë kohët e fundit. Ndoshta kjo është bërë për të përkeqësuar situatën në prag të zgjedhjeve presidenciale", theksoi z. Karpushin. Ambasadori rus shprehet se Rusia do të përmirësojë gjendjen e saj ekonomike dhe bashkëpunimin në politikën e jashtme ku përfshihet edhe Shqipëria. "Jam besimplotë që do të vazhdojmë të përmirësojmë marrëdhëniet tona edhe me popullin shqiptar", deklaroi diplomati rus në Tiranë. Kurse tri ditë më parë ia deklaroi për "Java" në RTSH se Moska zyrtare ka mbetur e habitur nga deklaratat e fundit që e shohin Rusinë si "perandorin e së keqes". Ai theksoi se këto i kujtojnë retorikën e Enver Hoxhës. "Kohët e fundit na kanë habitur jashtë mase përpjekjet e disa mediave shqiptare, po edhe të disa përfaqësuesve të organeve shtetërore, për demonizimin e Rusisë. Të krijohet përshtypja që qëllimi i tyre është për të bindur qytetarët shqiptarë se vendi ynë është një ' perandori e