Rama: Ligj për sponsorizimet në sport dhe në kulturë
Përurohet pallati i sportit "Dhimitraq Goga" në Durrës, premtimi i kryeministrit "Për nismën, bashkëpunim me komunitetin"
Kryeministri Edi Rama mori pjesë dje në ceremoninë e inaugurimit të pallatit të sportit "Dhimitraq Goga" në Durrës. Pasioni për sportin e basketbollit, apo thjesht kishte ardhur koha për të mbështetur sportin? Por, kreu i qeverisë, i cili në publik të paktën ka kohë që nuk shënon më kosha, premtoi një ligj të posaçëm për sponsorizimin e sportit. Nga pallati i ri i sportit të lojërave me dorë "Dhimitrq Goga" në Xhafzotaj të Durrësit, shefi i qeverisë shqiptare theksoi se po punohet me komunitetin e sportit për t'i hapur rrugë një ligji të tillë. "Shpresoj që zëvendësministri i Sportit, një basketbollist shumë i njohur, Kostandin Shkurti, do jetë në lartësinë e detyrimit tonë për t'i mbështetur këto nisma dhe së bashku me komunitetin e basketbollit, por jo vetëm, t'i hapim rrugë edhe një ligji bashkëkohor për sponsorizimin, në mënyrë që sponsorizimi në sport e në kulturë të stimulohet dhe të jetë një rrugë për të krijuar më shumë mbështetje financiare për sportin, veçanërisht për sportet e tjera. Sepse futbolli nuk diskutohet e që sidoqoftë, i ka disa mundësi që sportet e tjera nuk i kanë dhe është shumë më tepër një industri sesa thjesht një sport", deklaroi z. Rama. Prej kohësh Federata e Sporteve kërkon hartimin e një ligji të tillë, që sipas tyre jo vetëm ndihmon ekipet, por edhe do të përmirësojë imazhin e sportit në botë. Ligji do t'u jepte më shumë autonomi përmes përcaktimit të kompetencave dhe do të sillte një lloj ndërgjegjësimi në menaxhimin e fondeve. Në fjalën e tij, kreu i qeverisë tha se nuk e priste këtë surprizë dhe infrastrukturën dinjitoze të pallatit të ri të sportit, duke theksuar se do t'i hapet rruga një ligji për sponsorizimet në sport dhe kulturë. "Nuk e mendoja që do gjeja një infrastrukturë dinjitoze të një pallati sporti në të gjithë kuptimin e fjalës dhe mirënjohja i shkon ideatorit dhe të shërbejë kjo për t'u shtuar në të gjithë vendin",
theksoi z. Rama. Gjatë fjalës së tij, kryeministri Rama shtoi se do t'i jepte një vlerësim maksimal krijuesit të këtij pallati fantastik, Igli Goga, që ka nderuar një legjendë të basketbollit shqiptar. Dhimitraq Goga ka qenë plejada e parë pas luftës e që e ka ngritur basketbollin në nivele
ndërkombëtare. "Ne synojmë të tërheqim më shumë fëmijë drejt sporteve. Unë do të doja të veçoja sot profesor Astritin me shumë mirënjohje, i cili kur doli sot në fushë, mu duk njësoj si 30 vite përpara. Unë besoj se padyshim ndikon pasioni i tij për basketbollin. Do të doja t'i jepja "Shpresoj që zv. ministri i Sportit të jetë në lartësinë e detyrimit tonë për t'i mbështetur këto nisma dhe bashkë me komunitetin e basketbollit t'i hapim rrugë një ligji për sponsorizimet në sport dhe në kulturë dhe të jetë një rrugë për më shumë mbështetje financiare për sportin", theksoi z. Rama.
një vlerësim maksimal krijuesit të këtij pallati sporti, i cili ka nderuar një legjendë të basketbollit një emër të madh, Dhimitraq Goga, i cili ka qenë plejada e parë që e ka ngritur emrin e basketbollit shqiptar në arenën ndërkombëtare", tha kryeministri Rama.