Media greke: Lakmia për "Shqipërinë e madhe" rrezikon ' kokat' e Gruevskit dhe Zaevit

Artikulli: Shqiptarëve s'u intereson çështja e emrit

Pas

miratimit të ligjit për gjuhët, medi at greke i kanë kushtuar një artikull situatës së tensionuar politike në Maqedoni. Në këtë shkrim thuhet se ' kokat' e Gruevskit dhe Zaev janë të rrezikuara nga përplasjet brenda shtetit, por edhe nga çështja e emrit. Kështu, në artikullin e botuar në "voria. gr", vihet në dukje se shqiptarëve nuk u intereson fare çështja e emrit, pasi ata pretendojnë se një ditë do të jenë pjesë e "Shqipërisë së Madhe" dhe emri do të jetë i përkohshëm. Nga ana tjetër, me tone të forta dhe raciste pritet që të reagojnë sllavët, kundër kryeministrit Zaev, pasi ky i fundit po bën shumë lëshime në favor të shqiptarëve.

"Lakmia" e madhe e shqiptarëve ka kërcënuar se Gruevski po vë lëkurën e tij në rrezik, nëse vazhdon të pengojë zyrtarizmin e gjuhës shqipe në Maqedoni. Por, duke pasur parasysh situatën sociale dhe politike në Ballkan, një kërcënim i tillë nuk mund të jetë vetëm një "fjalë e thënë", por mund të veprohet. Ka shumë dëshmi dhe "letra", që diplomacia greke nuk duket të luajë. Natyrisht, unë them se faktori shqiptar ka arsye të forta që Shkupi të mbajë emrin derivat të "Maqedonisë". Interesi kryesor për shqiptarët në Shkup është pranimi në BE dhe NATO, në të cilat është vonuar për shkak të zgjidhjes së emrit. Ali Ahmeti, kreu i partisë më të madhe shqiptare, ka thënë me tone të ashpra se për procesin e bisedimeve GreqiShkup ai nuk do t'ia dijë fare, edhe nëse vendi do të quhej ' Disneyland'. Arsyeja e dytë për marrëdhëniet e tensionuara shqiptare dhe sllave në Shkup është dështimi i Marrëveshjes ' Gruevski' të Ohrit në 2001 për të përmirësuar marrëdhëniet e tyre. Kryeministri i tanishëm, Zoran Zaev po përpiqet të pajtohet me shqiptarët, por nuk dihet se si do të reagojnë sllavët nga tërheqjet e tij të fundit. Por, kreu i partisë tjetër shqiptare ( PDSH) në Shkup, Meduth Thaçi, ka thënë: "Qeveria e Shkupit është nacionaliste dhe naziste", për shkak të politikës së ndjekur nga qeveria e Shkupit kundër shqiptarëve. Por më e rëndësishme dhe në interes të drejtpërdrejtë për Greqinë ishte vazhdimi i deklaratës së tij: "Mendoj se është hera e fundit që them hapur se qëndrimi i shqiptarëve është në favor të qëndrimit grek. Lufta e Gruevskit dhe sllavëve për të ruajtur emrin Maqedoni, si vazhdimësi e një trashëgimie të lashtë, si dhe identiteti kombëtar, është lufta antishqiptare dhe antiheleniste. Nacionalizmi dhe nazizmi i kësaj qeverie janë në fakt antihelenike dhe antishqiptare". Argumenti i shqiptarëve të Shkupit në konfliktin e tyre me sllavët është se Shkupi nuk mund të quhet "Maqedoni", sepse shqiptarët nuk identifikohen në këtë mënyrë", shkruhet në një pjesë të artikullit grek.