Pakti detar me Greqinë, Meta: Një proces solid e kushtetues

Presidenti flet pas autorizimit, Krisafi u shtohet negociatorëve

besoj se është bërë një punë mjaft e konsiderueshme dhe jemi në një proces solid nga pikëpamja kushtetuese", u shpreh Presidenti Meta. Në listën e grupit negociator është shtuar edhe profesori i së drejtës ndërkombëtare, Ksenofon Krisafi, për të cilin Meta tha se "ka qenë një propozim shumë pozitiv dhe i mirëpritur nga ana ime, pasi është një personalitet me mjaft eksperiencë në drejtësinë ndërkombëtare". Pyetjet Z. President, lidhur me plotfuqishmërinë, ajo që u vu re në njoftimin për shtyp ishte fakti që ju i kërkoni Ministrisë për Evropën dhe Punët e Jashtme që të zbatojë vendimin e Gjykatës Kushtetuese. Kjo tregon që në informacionin e ardhur nuk është, le të themi, plotësisht i zbatuar vendimi i Gjykatës Kushtetuese, apo është një parantezë që ju i bëni që të jenë të kujdesshëm?

Besoj se tashmë kemi realizuar një bashkëpunim mjaft konstruktiv dhe të dobishëm për të pasur një proces solid nga pikëpamja kushtetuese, por edhe tekniko- ligjore për negociata sa më të suksesshme për një marrëveshje të drejtë me Greqinë.

A i përmbushi të gjitha kërkesat tuaja ministri Bushati?

Unë besoj se është bërë një punë mjaft e konsiderueshme dhe jemi në një proces tashmë, do të thosha, mjaft solid nga pikëpamja kushtetuese.

U shtua një tjetër negociator. Nuk i përmbushte ai grup pritshmëritë? Sipas jush, duhet të ishte që në fillim pjesë e stafit?

Ka qenë një propozim shumë pozitiv edhe mjaft i mirëpritur dhe nga ana ime, për arsye sepse është një personalitet në fushën e së drejtës ndërkombëtare, por edhe me mjaft eksperiencë për raste të tilla.