Basha i përgjigjet Ramës: Ka varfri dhe nuk ka punë
Kreu i PD: Mbi 20 mijë familje të përjashtuara nga ndihma ekonomike, vende pune 454 "Në Shqipërinë e vërtetë ka mjerim"
Kreu i opozitës Lulzim Basha, bëri dje pub like shifrat që sipas tij tregojnë se në vend ka varfëri dhe papunësi. Në këtë mënyrë Basha iu përgjigj postimeve të kryeministrit Edi Rama, i cili përditë publikon historitë e grave të punësuara. Në postimin e tij z. Basha jep të dhëna për çdo qark sa familje janë në skemën e ndihmës ekonomike, sa janë përjashtuar dhe sa vende të lira pune. "Në Shqipërinë e vërtetë ka varfëri dhe nuk ka punë",- shkruan Basha si kundërpërgjigje ndaj thënies së famshme të Ramës "Punë ka, por duhen profesionistë". Në videon e publikuar, kreu i PD tregon edhe njëherë personat me ndihmë ekonomike, të përjashtuarit dhe vendet e lira të punës. Në total janë 28 mijë e 836 të përjashtuar nga ndihma ekonomike dhe veç 454 vende të lira pune. Prej shumë javësh z. Basha akuzon ashpër kryeministrin Edi Rama, duke u shprehur se qytetarët janë hequr në mënyrë kriminale nga lista e ndihmës ekonomike, falë skemës së "Holokaustit të qeverisë ' Rama'". "Është një dramë njerëzore, por edhe emergjencë kombëtare. Vendi i vetëm në Evropë që ka futur në karantinë urie, ka çuar në emigrim një përqindje të madhe të bashkëqytetarëve. Kemi një qeveri dhe kryeministër që përdor një metodë naziste, gjenocidale spastrimi ndaj popullit të vet",- ka deklaruar z. Basha. Sipas tij një pjesë e madhe e qytetarëve i janë drejtuar opozitës dhe "ajo që kemi parë është një fraksion nga tmerri që po përjeton populli". Basha ka theksuar se ndodhemi në një situatë urgjente, ku janë në rrezik mijëra jetë njerëzore dhe me shumë gjasa kjo do të prodhojë "një tjetër valë refugjatësh që do terrorizojnë Europën". Kreu i PD- së ka garantuar në mënyrë të vazhdueshme se opozita do të ndërmarrë të gjithë hap-
at për të vendosur Edi Ramën përpara përgjegjësisë, qoftë kjo edhe penale. Sipas tij është një dramë që po shpaloset ditë për ditë. "Lus qytetarët që të tregojnë solidaritet maksimal", është shprehur kreu i opozitës Lulzim Basha.