Lobimi, KQZ zbardh financat e PD- së për shpenzimet dhe konsulencat
Demokratët në një vit, përfshirë fushatën zgjedhore, kanë shpenzuar 158.8 milionë lekë 31,2 milionë lekë, ku përfshihen edhe kontratat
Komisioni Qendror i Zgjedhjeve publikoi dje raportin financiar të Partisë Demokratike për vitin 2017, ndërsa sipas deklarimeve rezulton se ky subjekt politik në një vit, përfshirë fushatën zgjedhore, ka shpenzuar 158.8 milionë lekë. Në këtë shumë Partia Demokratike llogarit 31,2 milionë lekë si shpenzime për shërbime dhe konsulenca, ku përshihen edhe kontratat e shumë debatuara të lobimit në Shtetet e Bashkuara. Në raportin vjetor financiar, Partia Demokratike raporton se të ardhura për vitin 2017 ka pasur 132.2 milionë lekë, ku pjesën më të madhe e zënë të ardhurat nga buxheti i shtetit me 108 milionë lekë, ndërsa pjesa tjetër janë donacione në vlerën 22 milionë lekë dhe tarifa anëtarësie. Konkretisht, në total sipas deklarimeve nga PD, e drejtuar prej Lulzim Bashës, në një vit aktiv për shkak edhe të fushatës zgjedhore për zgjedhjet e 25 qershorit, ky subjekt politik ka shpenzuar 158.8 milionë lekë. Ky raport vjen në një kohë kur PD- ja është përfshirë nga akuzat e mazhorancës për financim nga biznesmenë rusë, nisur nga investigimi i revistës amerikane "Mother Jones". Kryeministri Edi Rama e quajti çështjen e financimit të PD "sallatë ruse" dhe hodhi dyshime për destabilizim të financuar nga Rusia në Shqipëri, ndërsa Bashës i kërkoi të shkonte në prokurori. E ndërsa Rama i kërkonte kryedemokratit të shkonte në prokurori dhe të jepte shpjegime, Basha është shprehur se kryeministri duhet të presë me qetësi hetimin nga prokuroria dhe FBI, pasi PD i ka bërë transparente të gjitha aspektet financiare në përputhje me ligjin. "Mjegulla dhe sulmet ndaj opozitës, që ka bërë transparencë të plotë sipas ligjit nuk do të na mbyllin gojën për të çliruar ekonominë nga monopolet, krimi dhe drogë. PD i ka bërë të qarta si drita e diellit të gjitha aspektet financiare dhe zgjedhore të saj dhe gjithçka ka dalë në përputhje me ligjin. As ulërimat e Ramës dhe dëshpërimi i Ballës nuk mund ta heqin vëmendjen nga kokaina në Maminas dhe lirimi i Tahirit. Fokusi ynë është te lufta kundër krimit. Rama të presë verifikimin nga prokuroria. Dje na doli një lajm që po e verifikon edhe FBI, të presim rezultatin", - deklaroi kreu i PD- së. Basha e quan qesharake akuzën në fjalë, gatim të Ramës dhe qëndrimeve të tij anti- Trump dhe anti- administratës ' Trump'. Z. Basha akuzoi publikisht Ramën për lidhje të errëta me kompaninë ruse "Gunvor", ndërsa sipas tij, ai nuk u
përgjigj, duke gatuar një tjetër "sallatë ruse", si ajo e "Mother Jones", për të fshehur të vërtetat. "Nëse ka rrezik rus në Shqipëri, ai vjen përmes Ramës kryeministër! Jo vetëm sepse si njeri i zhytur në krim ai është lehtësisht i shantazhueshëm nga kushdo, por sepse ai konkretisht ka mirëpritur ndikimin rus! Edi Rama duhet të sqarojë publikisht