FMN, kundër TVSH- së për biznesin e vogël

' Fondi', qeverisë: Kujdes me PPP- të!

lidhje me përfshirjen në TVSH të bizneseve me xhiro mbi 2 milionë lekë, FMN këshillon se "administrata do të shpërqendrohet, në vend që të fokusohet të ndërmarrjet e mëdha dhe ka rrezik të ulen të ardhurat, ndaj nuk ishim dakord që në fillim. Nuk mendojmë se është një masë e mirë në drejtim të rritjes së të ardhurave". Ky fakt u bë i ditur dje nga misioni i parë i FMN- së për Monitorimin e post- programit në një takim me mediat. FMN përsëriti edhe një herë se nuk është kundër koncesioneve me Partneritet Publik Privat, por se duhen përzgjedhur projekte cilësore, që duhet të kalojnë në një mekanizëm të qartë dhe transparent se si do të realizohen. Misioni i parë i FMNsë për monitorimin e postprogramit në një takim me mediat pohoi se ka mosmarrëveshje me qeverinë për PPP- të. "E këshillova qeverinë dy javë më parë të ngrinte koncesionet, me qëllim që të ngrinte kuadrin e duhur, pasi ngritja e tij kërkon kohë", shtoi përfaqësuesi i FMN- së në vendin tonë, Jens Reinke, i cili pohoi se ' Fondi' po jep asistencë teknike për këtë çështje, por qeveria i ka thënë ' Fondit' se e ka gati mekanizmin. Misioni i FMN- se pohoi se në rastin e projekteve me PPP ka ndarje të riskut mes shtetit dhe privatit. Sipas tij, "është e rëndësishme që qeveria shqiptare të mos marrë më shumë risk se çfarë duhet. Për projektet PPP ka shumë rreziqe nisur nga përvojat e vendeve të tjera, pran- daj ' Fondi' i ka kërkuar qeverisë të bëjë analizat e duhura në lidhje me këto projekte". Më tej, përfaqësuesja e misionit të FMN- së në Tiranë, Anita Tuludhar tha: "Nuk jemi në program me Shqipërinë, po japim këshilla, ndaj për çdo rrezik është përgjegjësia e autoriteteve. Shpresojmë se në rast se qeveria do të vazhdojë me koncesionet, atëherë risqet të pasqyrohen në bilanc".

RRITJA EKONOMIKE

"Rritja ekonomike në Shqipëri është e fortë, 3.9% këtë vit dhe 3.7% në vitin e ardhshëm, nga më të lartat në rajon. Inflacioni është i ulët, eksportet të forta, rezervat të kënaqshme. Nuk është koha për vetëkënaqje se rritja mund të mos zgjasë. Tregu ndërkombëtar mund të ngadalësohet në afat të mesëm. Në tregun e brendshëm ka borxh të lartë, NPL të larta dhe mjedis të vështirë për biznes", vuri në dukje misioni i FMNsë, duke këshilluar vijimësinë e konsolidimit fiskal.