SHBA: Vetingu unik për Shqipërinë, mbështetja edhe në të ardhmen
Ministri takon zv. drejtorin e FBI, i kërkon një agjent me kohë të plotë në Shqipëri "Kokaina", Xhafaj: Së shpejti, identifikimi i autorëve
Ministri Brendshëm, Fatmir Xhafaj, gjatë vizitës së tij në SHBA takoi zëvendësdrejtorin i FBI- së, David L. Bowdich. Në njoftimin e Ministrisë së Brendshme thuhet se "në këtë takim u parashtrua kërkesa e ministrit të Brendshëm për shqyrtimin e mundësisë për dërgimin në Shqipëri të një agjenti me kohë të plotë nga FBI- ja, për të asistuar strukturat e hetimit në polici. Përvoja, sidomos në drejtim të hetimit të pastrimit të parave dhe motivimi i oficerëve shqiptarë do të ishin një kontribut i paçmuar". Lidhur me kërkesën e paraqitur nga ministri Xhafaj, zëvendësdrejtori i FBI- së u shpreh se e sheh kërkesën pozitivisht dhe do ta diskutojë për të vlerësuar mundësitë konkrete të realizimit të saj. Në përgjigje të interesit të z. Bowdich u diskutua mbi fenomenin e korrupsionit në shoqërinë shqiptare, reagimin e publikut ndaj rasteve të korrupsionit dhe sidomos ndaj korrupsionit në nivele të larta, duke nënvizuar rëndësinë e veçantë të goditjes së fenomenit të pandëshkueshmërisë së korrupsionit në nivelet e larta dhe të mesme. Ministri i Brendshëm e ftoi Bowdich të vizitonte Tiranën, ftesë të cilën ai e pranoi me kënaqësi. Në ditën e tretë të vizitës në Uashington, ministri Xhafaj u prit në Departamentin e Shtetit nga ndihmëssekretari i Shtetit dhe përgjegjës për Narkotikët dhe Çështjet e Zbatimit të Ligjit, James A. Walsh. Në qendër të diskutimeve ishte vetingu në polici, por edhe reforma në drejtësi. Nga ana e tij, Xhafaj bëri të ditur se reforma ka filluar tashmë të japë rezultatet e para në kuadrin e procesit të vetingut. Por sipas tij, sfidë mbetet krijimi i organeve të reja të parashikuara nga kjo reformë. Në këtë kuadër, ai theksoi se "është shumë e domosdoshme që mbështetja dhe asistenca e SHBA- ve të vazhdojë të jetë prezente, veçanërisht përgjatë kësaj faze delikate të procesit". Gjatë diskutimeve, ai e njohu ndihmëssekretarin e Shtetit me punën e nisur në funksion të reformimit të hetimit në Policinë e Shtetit, planin e veprimit të miratuar nga qeveria për operacionin "Forca e Ligjit", vetingun në polici, luftën kundër kultivimit të kanabisit, policimin në komunitet, prioritete madhore këto për Ministrinë e Brendshme. "Në këtë kontekst, ministri Xhafaj kërkoi që asistenca amerikane në vijim të zgjerohet dhe njëherësh të orientohet edhe më mirë drejt realizimit të prioriteteve të mësipërme" thuhet në njoftimin
për shtyp. Në deklaratën për mediat bëhet e ditur se Z. Walsh vlerësoi shumë pozitivisht progresin e bërë në procesin e reformave në Shqipëri, angazhimin e fortë të qeverisë aktuale, duke theksuar se angazhimi i SHBA nuk ka ndryshuar dhe do të
vazhdojë të jetë intensiv edhe në të ardhmen. Ndihmëssekretari i Shtetit ndër të tjera theksoj se, "SHBA do të punojnë nga afër me Shqipërinë në këtë proces jetik për vendin. Lufta efikase ndaj grupeve kriminale është esenciale, veçanërisht sa i Ministri Xhafaj kërkoi shqyrtimin e mundësisë për dërgimin në Shqipëri të një agjenti me kohë të plotë nga FBIja, për të asistuar strukturat e hetimit në Polici. Z. Bowdich u shpreh se e sheh kërkesën pozitivisht dhe do ta diskutojë për të vlerësuar mundësitë konkrete të realizimit të saj.
takon qëndrueshmërisë së rezultateve në luftën kundër kultivimit të kanabisit për vitin në vijim. Ju do të keni të gjithë mbështetjen e SHBA në përpjekjet tuaja serioze në luftën kundër krimit ndërnacional, korrupsionit, pastrimit të parave, ashtu si edhe
në procesin e ngritjes së BKH dhe SPAK". Një tjetër takim në Uashington, ministri i Brendshëm, Fatmir Xhafaj e zhvilloi në Departamentin e Drejtësisë me Bruce Swartz, zëvendësndihmës Prokurorin e Përgjithshëm, i shoqëruar nga disa prej drej-
torëve dhe drejtuesve të projekteve ndërkombëtare. Në fund të takimeve, ministri i Brendshëm, Fatmir Xhafaj në një intervistë për "Zërin e Amerikës" ka deklaruar se shumë shpejt do të identifikohen autorët e trafikut të kokainë.