KQZ, nën hetim për një tender në 2017- ën me vlerë 60 mln lekë
Agjencia e Prokurimeve Publike ka nisur hetimin
Komisioni
Qendror i Zgjedhjeve është vënë nën hetim administrativ nga Agjencia e Prokurimeve Publike. Bëhet fjalë për një tender me vlerë rreth 60 milionë lekë për blerjen e materialeve të votimit, për të cilin agjencia kërkon informacion të thelluar për procedurën e prokurimit dhe dokumentacionin e plotë të të gjithë ofertuesve. "Balkanweb" raporton se në dokument thuhet se kur KQZ- në e drejtonte Denar Biba, është kryer një tender me negocim pa shpallje paraprake të njoftimit të kontratës me vlerë rreth 60 milionë lekë, me anë të të cilit do të siguroheshin vota të fshehta dhe kuti kartoni, PV me letër kimike dhe zarfe sigurie, prodhim i tabelave të rezultateve, manuale trajnimi, si dhe prodhim dhe afishim i materialeve promocionale për zgjedhjet 2017. Kontrata është lidhur më datë 12 prill
DOKUMENTI
Dokumenti është protokolluar në KQZ më 19 mars. Brenda 7 ditëve nga kjo datë, pra deri më 26 mars, kjo e fundit duhet t'i dorëzojë Agjencisë së Prokurimit Publik të gjitha dokumentacionet e kërkuara prej saj, në të kundërt do të përballet me ligjin.
2017, kur institucioni drejtohej nga Denar Biba. Prokurimi në atë kohë, kur kriza politike ishte në pikun e saj dhe nuk dihej nëse opozita do të merrte pjesë në
zgjedhje u bë me negocim pa shpallje paraprake të kontratës, procedurë që ndiqet në kushte emergjence. Kontrata përshinte prodhimin e votave të fshehta dhe kutive të kartonit që përdoren për të verbrit, zarfeve të sigurisë, tabelave të rezultateve, manualeve të trajnimit dhe prodhimin dhe afishimin e materialeve promocionale. Në shkresën drejtuar Komisionit Qendror të Zgjedhjeve më 16 mars, Agjencia e Prokurimeve kërkon që i gjithë dokumentacioni i tenderit t'i vihet në dispozicion brenda 7 ditëve. Nuk dihet arsyeja e nisjes së këtij hetimi, por agjencia vihet në lëvizje në raste kur ka indicie ose ankesa nga pjesëmarrësit në tender për parregullsi. Ose me short mes institucioneve që kanë kryer tenderë, si në rastin e Inspektoratit të Lartë të Kontrollit dhe deklarimit të pasurive kur përzgjidheshin zyrtarët që duheshin verifikuar.