‘ Kushtetuesja’, Dedja: Procedurat për vakancat të përshpejtohen
Bylykbashi: Gjykata pushoi së ekzistuari de facto, falë vetingut të Ramës "Gjykata, jo funksionale në disa aspekte"
Pas vendimit të Komi sionit të Pavarur të Kualifikimit për të shkarkuar gjyqtarin Fatos Lulo, Gjykata Kushtetuese e Shqipërisë ka hyrë zyrtarisht në kolaps. Tashmë, gjykata më e lartë e vendit ka mbetur me 5 anëtarë dhe ajo nuk mund të marrë në shqyrtim asnjë çështje, pasi për të quajtur të vlefshme një mbledhje, duhen minimalisht 6 gjyqtarë. Nga Gjykata Kushtetuese dha dorëheqjen para vetingut, anëtari Besnik Imeraj, ndërkohë më herët është larguar Vladimir Kristo, të cilit i kishte mbaruar mandati prej disa vitesh. Ndërsa më parë dha dorëheqjen edhe gjyqtari Sokol Berberi. Pezullimi i Fatos Lulos deri sa të përfundojë procesi i apelimit e ka futur zyrtarisht Gjykatën Kushtetuese në ngërç institucional. Veç 3 vakancave të krijuara nga dorëheqja e Vladimir Kristos, Sokol Berberit dhe Besnik Imerajt, pezullimi i Lulos nga Komisioni i Pavarur i Kualifikimit e lë këtë gjykatë vetëm me 5 nga 9 anëtarë, çka e bën të pamundur gjykimin dhe vendimmarrjen e saj për të gjitha çështjet në shqyrtim. Neni 32 i ligjit organik të Gjykatës Kushtetuese parashikon se seancat gjyqësore mund të zhvillohen vetëm me pjesëmarrjen e të paktën 2/ 3- ve të anëtarë të saj. Pra, në sallë duhet të jenë 6 nga 9 anëtarët.
KËRKESA
Kreu i Gjykatës Kushtetuese, Bashkim Dedja nuk e konsideron si rënien e këtij institucioni, por ai kërkon procedura të përshpejtuara për plotësimin e vendeve vakante. I kontaktuar dje nga "TCH", Dedja pyetjes nëse ka rënë apo jo Gjykata Kushtetuese iu përgjigj: "Jo, unë nuk mund të them që Gjykata Kushtetuese ka rënë, por mund të them që Gjykata Kushtetuese nuk funksionon më në disa aspekte të saj, që janë vendimet e seancës plenare dhe vendimet e mbledhjes së gjyqtarëve", tha Ded- ja. Por, mosfunksionim në seancë plenare do të thotë se gjyqtarët kushtetues nuk mund të dalin më në seancë për të zhvilluar këto procese sipas këtij kalendari të paralajmëruar. Dedja përsëriti të njëjtin apel për zëvendësimin e vendeve vakante. "Tashmë Gjykata Kushtetuese nuk formon dot kuorumin me gjashtë anëtarë, e vetmja gjë që mund të them është të përshpejtohen procedurat për zëvendësimin e vendeve vakante", tha z. Dedja.
OPOZITA
Një ditë pasi Komisioni i Pavarur i Kualifikimit shkarkoi nga detyra gjyqtarin e Kushtetueses, Fatos Lulo për shkak të vettngut, reagoi edhe PD- ja. Deputeti i PD, Oerd Bylykbashi, akuzon kryeministrin Edi Rama duke thënë se ky është një veting i Ramës, ndërsa shton se gjykatat janë nën presionin e tij. Deputeti demokrat shprehet se iu dha goditja e fundit gjykatave, ndërsa thekson se Gjykata Kushtetuese pushoi së ekzistuari de facto, falë vetingut të Ramës. "Goditja e fundit u bë dje. Gjykata Kushtetuese dje ( pardje) pushoi de facto se ekzistuari falë vetingut të Rames. Nuk dihet për sa kohë. Ka vetëm 4 anëtarë me mandat të rregullt nga 9 që është totali. C? Cdo shtetas që kërkon të gjejë të drejtën e tij kushtetuese nuk mundet më. Madje, është e kotë të trokasë në dyert e Gjykatës Kushtetuese. Aty nuk përgjigjet më askush!", shprehet z. Bylykbashi. Duke i kujtuar kryeministrit se qeveris me VKM, duke iu referuar vendimit për pezullimin e regjistrimit të titujve të pronësisë, ai shtron pyetjen: "Po ku ta kërkosh të drejtën përballë qeverisë? Gjykatat kanë rënë si pushtet që kon- Situata e krijuar nuk ka gjasë të zgjidhet në një kohë të shpejtë. Edhe pse presidenti dhe Kuvendi e kanë nisur procesin e zëvendësimit për 3 nga vakancat, madje duke mbyllur dhe procesin e depozitimit të kandidaturave, hallka që mban peng përzgjedhjen e tyre është Këshilli i Emërimeve në Drejtësi.
trollon teprimet e qeverisë. Parlamenti është kukull. Ka vetëm veting. Vetingu është bërë si fronti demokratik dhe gjyqet e vetingut duken si gjyqet publike komuniste të 1945 te kinema ' 17 Nëntori'. Se mos guxon njeri dhe e kundërshton ideologjinë e re, vetingun, se shpallet armik! Por gjykatat e vetingut nuk zgjidhin padrejtësitë me pronat, tatimet, doganat apo policinë, as janë Gjykatë Kushtetuese. Dhe mos harroni: asnjë nga gjyqtaret e vetingut nuk e ka kaluar vetingun vetë!".