Basha denoncon përmbytjen: Të shpallet emergjenca
Kreu i PD- së me telefon në dorë, filmon banorët e revoltuar: Rama na ka mbytur "Shkodranët nën ujë, të përbuzur nga kryeministri"
Kreu i Partisë Demokratike, Lulzim Basha, denoncoi sërish dje situatën e rëndë nga përmbytjet në qarkun e Shkodrës. Basha ishte sërish dje në Shkodër, pranë banorëve të përmbytur, ku i veshur me xhup e kapuç, me telefon në dorë ka regjistruar vetë banorët, që të revoltuar kanë shprehur zhgënjimin për qeverinë dhe kryeministrin Edi Rama. Madje, ata kanë akuzuar kryeministrin se i ka mbytur. "Realiteti, përtej propagandës. E vërteta, përtej mashtrimit. Shkodranët nën ujë, të braktisur dhe të përbuzur nga Edi Rama", shkruan Basha teksa publikon videon. Qytetarët shkodranë ndihen tërësisht të braktisur nga qeveria dhe kryeministri Edi Rama. Banorët e përmbytur janë shprehur se nuk kanë marrë asnjë ndihmë nga qeveria. Ata flasin mes shiut, duke kërkuar shpalljen e emergjencës. Ata i kanë bërë thirrje Ramës që të shpallë gjenden e jashtëzakonshme, pasi situata është kritike. "Të shpallin emergjencën. Këtu nuk dihet kush është kryeministër. E dimë kush është kryeministër, ai që është, ai që na ka mbytur brenda. Një njeri që nuk vjen të shikojë si është gjendja e popullit të vet në këtë vend, për mua nuk vlen, nuk është askush. Kam lindur socialist, jam socialist, por sot jam totalisht i zhgënjyer", shprehet njëri nga banorët e përmbytur. Nisur nga kjo situatë e vështirë, kreu i PD- së, Lulzim Basha përsëriti edhe njëherë kërkesën për shpalljen e gjendjes së emergje- ncës në Shkodër. Në një postim në rrjetet sociale, ku kreu i Partisë Demokratike shfaqet krah banorëve në këtë qark, ai bën përgjegjës për përmbytjet KESH. Ai publikoi një sërë pamjesh, ku banorët ankohen se nuk kanë vëmendjen e qeverisë dhe kërkojnë shpalljen e emergjencës, ndërkohë që banesa e rrugë nën ujë dhe njerëz që mundohen të kalojnë me varkë shfaqen në njësitë si Dajç, Ana e
Malit, Bërdicë etj. "Të shpallet menjëherë gjendja e emergjencës në Bashkinë e Shkodrës dhe të Vaut të Dejës! Përgjegjësi për përmbytjen e Shkodrës është KESH me shkarkimet nga kaskada e Drinit", shkruan Basha. Më tej, ai kërkon nga kryeministri Edi Rama që t'i japë fund sipas tij, heshtjes fajtore. "Mosshpallja e emergjencës është e papërgjegjshme dhe krimina-
le", thekson Basha. Dy ditë më parë kryetari i opozitës ndodhej në këto zona, ku në takimin me komisionin e
emergjencave të Bashkisë Shkodër, tha se mosshpallja e emergjencës do të ketë përgjegjësi penale ligjore.