Remitancat rriten 3.4% në 2017- n
Emigrantët kthejnë "sytë" nga familja
Të
ardhurat që emi grantët sjellin në shtëpi i janë rikthyer trendit të tyre rritës, ndonëse të lehtë. Statistikat e Bankës së Shqipërisë bënë të ditur se në vitin 2017, të ardhurat nga emigrantët u rritën me 3.4%, duke arritur në 636 milionë euro. Ky është niveli më i lartë që prej vitit 2012. Që nga viti 2008, kur arritën kulmin në rreth 830 milionë euro, paratë që emigrantët dërgonin në Shqipëri filluan të binin gradualisht, për të arritur në nivelin më të ulët në 2013- ën, me 545 milionë euro. Kjo tendencë rënëse ishte e pritshme, pasi vlerësohej se pas një cikli 15- 10 vjeçar, emigrantët fillojnë e i humbin lidhjet me vendin mëmë, duke dërguar gjithnjë e më pak para tek të afërmit. Por, rigjallërimi i emigracionit pas vitit 2013 ndikoi që të ndryshonte cikli, teksa filloi të krijohej vala e re e emigrantëve. Të dhënat e EUROSTAT bëjnë të ditur se nga viti 2013 deri më sot, numri i azilkërkueseve për herë të parë nga Shqipëria në vendet e Bashkimit Europian është 140 mijë 197 persona, apo rreth 5% e popullsisë shqiptare që ka kërkuar azil. Numri më i lartë i tyre ishte në vitin 2015, me 66 mijë aplikime, për të rënë më pas në 29 mijë në 2016- ën dhe 22 mijë në 2017- ën. Ndonëse një pjesë e tyre kthehen, shumica mbeten dhe teksa integrohen në tregun e punës, fillojnë e dërgojnë më pas para tek të afërmit. Të dhënat nga INSTAT për hyrje- daljet e shqiptarëve jashtë vendit tregojnë se numri i shqiptarëve që kanë udhëtuar jashtë vendit nga pikat e kalimit kufitar është shumë më i lartë se kthimet e tyre në këto pika. Diferenca ndërmjet hyrjedaljeve tregon se një numër i madh shtetasish shqiptarë janë larguar nga vendi dhe nuk janë kthyer më.