Rusia i përgjigjet Shqipërisë, dëbon dy diplomatët. Bushati: S'ishte surprizë
Ministria e Jashtme ruse hakmerret ndaj 23 vendeve që mbështetën SHBA MEJP: Kanalet tona diplomatike mbeten të hapura
Rusia i ka kthyer Sh qipërisë përgjigjen, pas largimit të dy diplomatëve të saj, tri ditë më parë. Ministria e Jashtme ruse njoftoi dje se kishte thirrur ambasadorët e 23 vendeve që i dëbuan diplomatët e saj, mes tyre edhe Shqipërinë. Të gjithë ambasadorët kanë marrë nota proteste gjatë këtij takimi dhe janë informuar mbi kundërpërgjigjen e Rusisë. Edhe Shqipëria është detyruar të tërheqë dy diplomatët e saj, në Moskë, emrat e të cilëve mësohet se janë Albert Jerasi, që mban detyrën e zëvendësambasadorit dhe Arben Doçi, këshilltar. Diplomatët që janë dëbuar kanë afat që të largohen nga Moska deri në datë 5 prill. Ministria e Jashtme thirri krerët e misioneve diplomatike nga Australia, Shqipëria, Gjermania, Danimarka, Irlanda, Spanja, Italia, Kanadaja, Letonia, Lituania, Moldavia, Holanda, Norvegjia, Polonia, Rumania, Ukraina, Finlanda, Franca, Kroacia, Republika Çeke, Suedia dhe Estonia. Ministria e Jashtme e Rusisë deklaroi se ka njoftuar ambasadorët e vendeve që urdhëruan dëbimin e diplomatëve rusë se një numër i barabartë diplomatësh të tyre janë shpallur persona ' non grata'. "Atyre iu dërgua notë proteste ku thuhej se Federata Ruse deklaron persona ' non grata' numrin përkatës të diplomatëve nga këto vende që punojnë në misionet diplomatike në Rusi në përgjigje të dëbimeve të tyre të pajustifikuara të diplomatëve rusë bazuar në akuzat e paarsyeshme me rastin e ' Skripal'", thuhet në njoftimin e Ministrisë së Jashtme Ruse. Në datë 26 mars, Shqipëria shpalli ' non grata' dy diplomatë rusë pas përplasjes mes Britanisë së Madhe dhe Rusisë. Dy diplomatët që u dëbuan nga Shqipëria janë Vladislav Filipov, atashe ushtarak dhe Alexey Nikolae-
vich Balashov, sekretar i parë i ambasadës së Rusisë në Tiranë. Rusia njoftoi dje se do të dëbonte 60 diplomatë amerikanë si kundërpërgjigje ndaj SHBA- ve dhe vendeve të tjera që u solidarizuan me vendimin, ndërsa sot u zyrtarizua vendimi. Rusia i
cilëson si të pajustifikuara dëbimet e diplomatëve rusë në lidhje me rastin ' Skripal', ish- spiunin e helmuar në Britani pak javë më parë, që shkaktoi reagime në të gjithë botën.
REAGIMI
Pas këtij veprimi të Ru- Shtëpia e Bardhë lëshoi një deklaratë ku thuhej se veprimi i Moskës "shënon një keqësim të mëtejshëm" të marrëdhënieve midis SHBA dhe Rusisë. "Dëbimi i zyrtarëve të padeklaruar të inteligjencës ruse nga SHBAdhe nga më shumë se 24 vende partnere dhe aleatë të NATO- s këtë javë ishte një përgjigje e përshtatshme ndaj sulmit rus në territorin e Mbretërisë së Bashkuar. Përgjigja e Rusisë nuk ishte e papritur", thuhej në deklaratë.
sisë, Ministria për Evropën e Punët e Jashtme e Shqipërisë reagoi duke thënë: "Reagimi i Moskës nuk përbën surprizë për ne. Vendimi i marrë prej nesh pak ditë më parë në lidhje me dy diplomatët rusë, i bashkërenduar me qëndrimet e ale-
atëve tanë strategjikë ishte proporcional ndaj sulmit kimik në Salisbury. Theksojmë se kanalet tona diplomatike mbeten të hapura në funksion të marrëdhënieve konstruktive dypalëshe, paqes dhe sigurisë". Ministria njofton se "më datë 30
mars 2018, ambasadori i Republikës së Shqipërisë në Moskë u thirr në Ministrinë e Punëve të Jashtme të Federatës Ruse. Gjatë takimit, ambasadorit iu komunikua shpallja ' non - grata' e dy diplomatëve shqiptarë të akredituar në Federatën Ruse".