Vetingu, pas Fatos Lulos në ' sitë' Vitore Tusha
Komisioni i Pavarur i Kualifikimit, më 4 prill zhvillohet seanca dëgjimore Zbardhen të ardhurat dhe llogaritë bankare të gjyqtares së Kushtetueses
Vitore Tusha do të jetë gjyqtarja e radhës që do të dalë para Komisionit të Pavarur të Kualifikimit. Gjyqtarja e Kushtetueses, pasi ka kaluar në filtrat e vetingut, do jetë në seancë dëgjimore përpara KPK në datën 4 prill në orën 10.00. Gjyqtarja do të dalë përpara trupës gjykuese të përbërë nga Valbona Sanxhaktari, Xhensila Pine, Alma Faskaj. Tusha pritet të pyetet për burimin e pasurisë së saj, por edhe sa i takon pikëpamjeve profesionale për vendimet e marra në disa dosje gjyqësore që ka kaluar në dorë. "Gazeta Shqiptare" ka zbardhur të Gjyqtarja Vitore Tusha do të dalë përpara trupës gjykuese të përbërë nga Valbona Sanxhaktari, Xhensila Pine, Alma Faskaj. Tusha pritet të pyetet për burimin e pasurisë së saj por edhe sa i takon pikëpamjeve profesionale për vendimet e marra në disa dosje gjyqësore që ka kaluar në dorë.
ardhurat e gjyqtares, familjarëve të saj si dhe gjendjet në llogaritë që disponon. Sakaq Vitore Tusha është gjyqtarja e dytë që do të dalë përpara KPK, pak ditë më parë ishte gjyqtari Fatos Lulo që nisi procesin nga radhët e Kushtetueses. Por pas seancës dëgjimore, me vendimin e KPK ai u shkarkua. Vetingu skualifikoi nga radhët e sistemit të drejtësisë, gjykatësin Lulo. Vendimi për shkarkimin e tij u mor pas një hetimi ad-
ministrativ pesë mujor dhe zhvillimit të seancës dëgjimore publike. Komisioni i Pavarur i Kualifikimit vendosi t'i ndërpresë karrierën gjykatësit, me arsyetimin se ai nuk e justifikon pasurinë e tij, një shifër prej gjysmë milioni dollarë. Vendimi për shkarkimin e gjykatësit erdhi pasi në raportin e përcjellë në KPK nga ana e Inspektoratit të Lartë të Deklarimit dhe Kontrollit të Pasurisë, për subjektin e rivlerësimit Fatos Lulo, ka mungesë të burimeve financiare të ligjshme dhe deklarim të rremë të pasurisë. KPK tha se gjyqtari ka përfituar 200 mijë dollarë dhuratë nga motra, Drita Lulo, konkretisht 100 mijë dollarë cash dhe një zyrë në rrugën e Durrësit për zotin Lulo. Gjithashtu, ai nuk justifikon pasurinë e tij prej 480 mijë dollarë, shumë e cila, sipas avokatit të gjyqtarit, Ardian Visha, është siguruar nga e motra, Drita Lulo. Po kështu KPK- ja ka marrë vendim edhe për të pushuar procesin e vetingut ndaj disa zyrtarëve që kanë vendosur të dalin nga sistemi i Drejtësisë.
TË ARDHURAT E GJYQTARES VITORE TUSHA
Sipas Open Data, Vitore Tusha përfiton të ardhura nga paga si anëtar i Gjykatës Kushtetuese, shumë prej 1 896 470 lekë. Të ardhura nga paga si lektor në Universitetin "Iliria", shumën prej 27 000 lekë. Të ardhura nga paga si lektor në Universitetin "Luarasi", shumën prej 189 601 lekë. Të ardhura nga Shkolla e Magjistraturës, si eksperte në "Trajnimin vazhdues të gjyqtarëve", shumën prej 1 484 euro. Të ardhura nga Bonuse të ardhura nga punësimi parttime, shumën prej 860 000 lekë. Gjithashtu, figurojnë të ardhura të personave pjesë e certifikatës familjare. E bija, Renisa Tusha, përfiton të ardhura nga punësimi në Milano, Itali, shumën prej 11 089 euro. E bija, Elira Tusha, përfiton të ardhura nga paga te Avokatura e Shtetit, janar- prill 2014, shumën prej 221 565 lekë. Gjithashtu, Elira, përfiton të ardhura nga aktiviteti privat - noteri, tetor - dhjetor 2014, shumën prej 232 632 lekë. Ndërkohë gjendja në llogarinë bankare në një bankë të nivelit të dytë, rezulton të jetë 1 543 lekë. Gjendja në llogarinë bankare në një bankë të nivelit të dytë, është 69 euro dhe në llogarinë një bankë të nivelit të dytë, rezulton të jetë gjendja 9 751 lekë. Gjithashtu, Tusha ka një detyrim në shumën 25 000 euro. Ndërsa e bija, Renisa Tusha, rezulton të ketë gjendjen e llogarisë në një bankë të nivelit të dytë, shumën prej 183 euro.