Dëmi 21 mln euro, Gjiknuri kallëzon në prokurori tre ish- zyrtarë të Ujësjellës- Kanalizimeve
Ardian Alushi: Projekti u auditua nga KLSH, gjyq politik i Ramës
Pas
auditimit në Agjencinë Kombëtare të Ujësjellës- Kanalizimeve, Ministria e Infrastrukturës dhe Energjetikës kallëzoi penalisht ish- drejtorin Ardian Alushi dhe dy vartësit e tij, ish- koordinatorët e projektit për përpunimin e ujërave të zeza K. B. dhe A. A.. Grupi i auditimit ka konstatuar fakte dhe rrethana të paligjshme, që krijojnë bindje të arsyeshme se plotësojnë elementët e veprës penale të "Shpërdorimit të detyrës", të kryer në bashkëpunim. Referuar rezultateve të auditimit, Damian Gjiknuri i është drejtuar Prokurorisë Pranë Gjykatës së Shkallës së Parë Tiranë, me një kallëzim penal ndaj tre personave të sipërpërmendur pasi veçmas dhe në bashkëpunim, kanë kryer veprime e mosveprime në kundërshtim me përmbushjen e detyrave të tyre funksionale gjatë ndjekjes dhe zbatimit të projektit "Përmirësimi i sistemit të kanalizimeve për Tiranën e Madhe". Ato akuzo- hen se kanë shkaktuar pasoja të renda për interesat e buxhetit të shtetit, dëme që kapin vlerën e 21 milionë eurove. Ndërkohë pas kallëzimit ka ardhur dhe reagimi i ish- drejtorit të Agjencisë Kombëtare të UjësjellësKanalizimeve, Ardian Alushit. Ai shprehet se ka zbatuar ligjin dhe aktet rregullatore të tij dhe projekti për të cilin pretendohet se është abuzuar është audituar në detaje nga Kontrolli i Lartë i Shtetit. "E gjitha është një stisje e motivuar poli- tikisht dhe që ka për autor ata që sot duan të fshehin abuzimet e tyre në drejtorinë e ujësjellësit. Unë kam zbatuar pikë për pikë ligjin dhe aktet rregullatore të tij. Projekti për të cilin zoti Gjiknuri pretendon se është abuzuar është audituar në detaje nga Kontrolli i Lartë i Shtetit. Përfundimet e tij mund t'i shohë dhe gjykojë kushdo. Auditet politike të inicuara nga ministrat e Edi Ramës janë thjesht shërbime për shefat që duan të fshehin korrupsionin e vërtetë të min- istrave dhe të qeverisë. Çdo përpjekje për të mbuluar të vërtetën dhe kërcënimet në emër të prokurorisë janë jo serioze dhe të pavlera. Gjyqet politike të bekuara nga Edi Rama nuk tregojnë asgjë më shumë se mjerimin aktual të administratës që është tashmë pré e gjuetisë së shtrigave në emër të drejtësisë".