Arrestimet në Kukës, qytetarët protestojnë përpara Drejtorisë së Policisë në kryeqytet
Taksa e Rrugës së Kombit, të ndaluarit merren në pyetje, nesër para gjykatës Tubuesit: S'keni pranga mjaftueshëm për të gjithë ne
Lironi vëllezërit tanë". Kështu janë shprehur ditën e djeshme dhjetëra protestues të mbledhur përpara Drejtorisë së Policisë së Tiranës. Kundërshtimi i vendosjes së tarifës në Rrugën e Kombit, që u shoqërua me protesta të dhunshme dhe arrestimi i 23 personave në Kukës ka ngjallur reagime të shumta në kryeqytet. Familjarë të protestuesve të ndaluar nga policia dhe qytetarë të shumtë me pankarta në duar janë mbledhur për të kërkuar lirimin e njerëzve të arrestuar. Që prej orëve të para të mëngjesit të ditës së hënë protestuesit kanë bllokuar aksin rrugor përpara Drejtorisë së Policisë, duke ndaluar qarkullimin e automjeteve. "Liri për Kukësin", "Poshtë shteti policor", "Ju s'keni pranga mjaftueshëm për të gjithë ne", "Kur dhuna bëhet ligj, liria është afër", "Demokracia ndodhet në rrugë" janë disa prej shkrimeve që gjenden nëpër rrugë të Tiranës. Përmes tyre, qytetarët i bën thirrje policisë të lihen të lirë personat që protestuan në Rrugën e Kombit, duke e cilësuar kauzën e tyre për heqjen e tarifës për përdoruesit e rrugës, të drejtë. Ndërkohë, ditën e djeshme prokurorët e Kukësit mbërritën në mjediset e Drejtorisë së Policisë së Tiranës për të pyetur të arrestuarit për ngjarjen e së shtunës në Rrugën e Kombit. Seancat e pyetjeve janë bërë në Drejtorinë e Policisë së Tiranës dhe në komisariatet numër 1 dhe numër 3. Mësohet se asnjë prej të arrestuarve nuk ka pranuar se ka kryer dhunë. Prokurorët e çështjes do të dërgojnë kërkesat e tyre në gjykatën e Kukësit, ku do të mbahet edhe seanca për të arrestuarit.
PROTESTA
Protesta në kryeqytet nisi ditën e diel rreth orës 19.00, ku dhjetëra qytetarë i bënin thirrje policisë dhe kryeministrit për të liruar të arrestuarit. Tensionet u përshkallëzuan kur qytetarët ten- Ndërsa kërkonin lirimin e 23 të arrestuarve, qytetarët protestuan me pankarta në dorë dhe me thirrjet "Rama ik". Por, policia nuk e ka gjykuar të drejtë veprimin e tetë prej protestuesve, duke nisur procedim penal ndaj tyre.