Protesta, Kryemadhi thirrje Kuvendit: Përjashtoni Edi Ramën
Kryetarja e LSI, apel shqiptarëve: Filloni mosbindjen civile, i thoni ' ik' Ramës "Të heqim dorën e kryeministrit nga xhepi i qytetarëve"
LSI do t'i kërkojë Kuv endit përjashtimin e kryeministrit Edi Rama nga parlamenti, duke e cilësuar qëndrimin e tij ndaj protestuesve për taksën në Rrugën e Kombit si antikombëtare. Kryetarja e LSI, Monika Kryemadhi mblodhi dje grupin parlamentar, pas së cilit deklaroi se partia e saj është në krah të qytetarëve, që sipas saj, protestojnë kundër zhvatjes që po u bën qeveria. Kryemadhi teksa dënoi gjuhën e përdorur nga kryeministri ndaj kosovarëve, njoftoi se do të kërkojë nga Kuvendi përjashtimin e tij. Kryemadhi akuzoi se Edi Rama dhe oborri i tij arrogant, të mbyllur në kullat e oligarkëve nuk e kuptojnë që sot shqiptarët janë ngritur kundër një regjimi skllavërues, që me krimin dhe bandat që i sollën në pushtet po i rrëmbejnë dhe dinjitetin shqiptarëve. Sipas Kryemadhit, fjala e tij përpara shqiptarëve ishte një fyerje që u bëhet jo vetëm banorëve të varfër të Kukësit dhe zonave përreth, por edhe një shprehje e qartë e antikombëtarizmit që i trajton kosovarët si klientë të pazareve të oligarkëve të tij. "Në zbatim të rregullores së Kuvendit, ne do të kërkojmë përjashtimin e kryeministrit nga parlamenti për këto shfaqje të shëmtuara dhe të paprecedenta për një kryetar qeverie. Qëndrimi ynë ndaj parlamentit do të jetë vendimmarrje politike në funksion të mënyrës se si kryeministri do të sillet ndaj kërkesave të qytetarëve të Kukësit dhe zonave përreth, që kërkojnë të drejtën e tyre. I bëjmë thirrje policisë dhe prokurorisë të jenë të kujdesshme me veprimet e tyre", theksoi kryetarja e LSI. Zj. Kryemadhi ftoi prokurorinë të zbatojë me korrektesë ligjin dhe të hetojë me paanësi dhe e pandikuar nga presioni i kryeministrit ngjarjen dhe të mos marrë në mbrojtje provokatorët dhe iniciatorët e dhunës të dërguar nga Edi Rama, por të hetojë edhe kontratën dhe të gjithë procesin e lidhjes së kontratës së koncesionit. "Çdo keqpërdorim politik do "Në zbatim të rregullores së Kuvendit, ne do të kërkojmë përjashtimin e kryeministrit nga parlamenti për këto shfaqje të shëmtuara dhe të paprecedenta për një kryetar qeverie. Qëndrimi ynë ndaj parlamentit do të jetë vendimmarrje politike në funksion të mënyrës se si kryeministri do të sillet ndaj kërkesave të qytetarëve", tha Kryemadhi.