Rruga e Kombit, Dhomat e Tregtisë: Tarifa, sipas standardeve ndërkombëtare
Biznesi shqiptar solidarizohet me koncesionarin e Rrugës së Kukësit, dënojnë aktet vandale Jaka: Në Shqipëri nuk ka oligarkë, por sipërmarrës
Biznesi shqiptar soli darizohet me konce sionarin e Rrugës së Kombit duke dalë kundër dhunës së ushtruar në protestën e së shtunës. Kreu i Dhomës së Tregtisë, Nikolin Jaka u shpreh se në Shqipëri nuk ka oligarkë, por sipërmarrës që kanë punuar pavarësisht klasës politike. Sipas tij protesta ishte prezantimi më negativ i Shqipërisë, i cili do të ndikojë te investimet e huaja. Gjatë fjalës së tij, kreu i Dhomës së Tregtisë dhe Industrisë, Nikolin Jaka theksoi se dënojnë çdo akt dhune ndaj sipërmarrjes. "Do kërkojmë një dialog më të drejtë. Sot jemi në këtë reagim, jo në kushtet e negocimit të kontratës. Sot ne si forum dënojmë çdo akt vandal që ka shkatërruar një pasuri private. Secili prej nesh i bie ta braktisë këtë vend. Ne duhet të krijojmë optimizmin. Nëse do dalim të kundërshtojmë pa bërë analizë, atëherë eja e bëjmë. Por duhet të analizojmë. Rruga e Kombit është një procedurë 10 vjeçare e dështuar. Duhet të bëjmë analizat e sipërmarrësit investues. E dënojmë rëndë vandalizmin dhe mbështesim qytetarët. Por duhet të jemi së pari, qytetarë, tha Jaka. Ndërkohë, kreu i "Biznes Albania", Luan Bregasi theksoi se shqiptarët nuk janë mësuar që të paguajnë taksa për rrugën. "Jemi vend që nuk jemi mësuar të paguajmë taksën e rrugës. Ende nuk e dimë nëse është e ulët apo lartë, për shkak edhe të traditës së vendit. Në gjykimin e parë duhet të kishte më transparencë. Rruga e Kombit është arterie kryesore",- tha Bregasi.
DEKLARATAT
"Mendoj që ka ardhur momenti që ne të heqim dorë nga sloganet që nuk i shërbejnë as ndërmarrjes dhe as qytetarëve. Sot nuk ka oligarkë, por janë sipërmarrës që kanë qenë edhe në kohën e një klase politike dhe në kohën e një klase politike tjetër"- tha Jaka. Asnjërit prej nesh nuk i vjen mirë të trajtohet si oligark. Asnjë sipërmarrës nuk është oligark, por është një sipërmarrës që ka një kontratë, është një sipërmarrës që investon në Shqipëri. Nëse neve kalojmë në slogane që nuk i shërbejnë stabilitetit dhe qëndrueshmërisë, nuk i shërbejnë investimit, ekonomisë, atëherë çfarë sinjali? Ku është sinjali që transmetohet sot tek qytetari, tek investitorët e huaj? Në lidhje me ndikimin që do të ketë vendosja e tarifës në tregtinë me Kosovën kreu i Dhomës së Tregtisë u shpreh se janë në diskutime me koncesionarin për të ulur tarifat për ata që e frekuentojnë më shpesh këtë rrugë. "Kur kemi një frekuencë të shpeshtë të kompanive, të cilat kanë produktin e qarkullimit tregtar të tyre, do të jetë favorizim dhe ulje Jemi vend që nuk jemi mësuar të paguajmë taksën e rrugës. Ende nuk e dimë nëse është e ulët apo lartë, për shkak edhe të traditës së vendit. Në gjykimin e parë duhet të kishte më transparencë. Rruga e Kombit është arterie kryesore.
e ndjeshme e pagesës së taksës",- tha Jaka. Ines Mucostepa u shpreh se dëmi nga protesta është rreth 7 mln euro ndërkohë që investimi i bërë deri më tani arrin në 15 mln euro në total. "Dënojmë rëndë çdo akt vandal dhe të paligjshëm ndaj sipërmarrjes private shqiptare."- Ines Mucostepa. Farruk Kaba njohës i mirë i infrastrukturës në vend tha se për banorët e Kukësit ka alternative për të kaluar dhe koncesioni është i domosdoshëm në një kohë që mirëmbajtja llogaritet të arrijë deri në 260 mln euro. "Nuk është e vërtetë se nuk ka rrugë alternative. Nga kthesa e ' Shën Mërisë', që vjen nga Morina janë 40 km. Atje mund të kalohet tek rruga e vjetër e deri në Rreps mund të përdoret përsëri kjo autostradë",- Farruk Kaba. Pagesa e kalimit në Rrugën e Kombit nisi disa ditë më parë, ndërkohë që tarifa për këtë rrugë u vendos pasi buxheti i shtetit e ka të pamundur që të sigurojë mirëmbajtjen e autostradës.