Majko në Turqi, bashkëpunim për problematikat e diasporës
Ministri i Shtetit për Diasporën, takime me parlamentarët turq
E DREJTA E VOTËS
Në takimet e ministrit në Turqi u fol gjithashtu për përpjekjet që po bëhen për t'u garantuar emigrantëve të drejtën e votës, me zyrtarin turk që informoi ministrin lidhur me eksperiencën e Turqisë. Autoritetet turke, sipas tij, janë të gatshme të ndihmojnë Shqipërinë për të kthyer në realitet këtë ambicie. faqësuesit e Grupit Parlamentar të Miqësisë për progresin e shënuar deri më tani, në përpjekje për ndërtimin e strukturave mbështetëse për shqiptarët e diasporës. Ndërkaq, në takimin e zhvilluar në Institutin e Diasporës në Ankara, ministri i Shtetit për Diasporën, Pandeli Majko, mori garancinë për përkushtimin e veçantë të autoriteteve turke lidhur me diasporën shqiptare atje. Drejtori i këtij instituti, z. Mehmet Köse, u shpreh i nderuar nga vizita e z. Majko në Turqi dhe theksoi nevojën e bashkëpunimit me autoritetet shqiptare për problematika të diasporës. "Bashkëpunimi në këtë fushë është jetësor, veçanërisht për një komunitet të madh e të rëndësishëm si ai shqiptar në Turqi", u shpreh drejtori i institutit që ofron bursa të niveleve të ndryshme për studentët shqiptarë. "Po humbe gjuhën, ke humbur një pjesë të identitetit dhe për këtë arsye, ne kemi mbledhur specialistë të fushave të ndryshme në këtë institut", vijoi zyrtari turk. Ai tha se po punohet për krijimin e infrastrukturës së nevojshme që do të ndihmojë në krijimin e një sistemi dygjuhësor. Ministri nga ana e tij shprehu falën- derimet për mbështetjen që Turqia u ka ofruar emigrantëve shqiptarë. Ai informoi të pranishmit mbi progresin e shënuar sa u përket përpjekjeve për të institucionalizuar marrëdhëniet e shtetit shqiptar me diasporën. Z. Majko e vuri theksin tek rëndësia e bashkëpunimit për projekte të përbashkëta.