Shkollat profesionale, Rama: Të rrisim kapacitetet, mundësi punësimi real
Dyfishim i nxënësve në shkollën "Pavarësia", në Vlorë
Brenda
3 vitesh, kapac itetet e shkollës profesionale Industriale "Pavarësia", në Vlorë janë dyfishuar e këtë vit numërohen plot 700 nxënës, në 5 profile të ndryshme. Kryeministri Edi Rama, i shoqëruar nga kryetari i Bashkisë së qytetit Dritan Leli, vizitoi dje këtë shkollë ku u takua me stafin e mësuesve, si dhe bisedoi me nxënës e prindër. "Ne tani, kemi aktualisht 700 nxënës në 5 profile të ndryshme. Mot do jemi te 800 nxënës dhe problemin e kemi te kapacitetet.
DREJTORI I SHKOLLËS
"Ne tani, kemi aktualisht 700 nxënës në 5 profile të ndryshme. Mot do jemi te 800 nxënës dhe problemin e kemi te kapacitetet. Jemi në kapacitetet maksimale. Në këto 3 vjet jemi 2- fishuar." - u shpreh drejtori i shkollës.
Jemi në kapacitetet maksimale. Në këto 3 vjet jemi 2fishuar." - u shpreh drejtori i shkollës. Ky i fundit, gjithashtu, theksoi se një raport krejt tjetër është vendosur mes shkollave profesionale
dhe bizneseve që kërkojnë profesionistë pasi kërkesat për punësim nga bizneset janë rritur ndjeshëm e deri më tani janë rreth 70 kompani e biznese, të cilat bashkëpunojnë çdo ditë me shkollat. Ndërkohë Kryeministri Edi Rama u shpreh se çelësi i ndryshimit është mënyra e re e funksionimit të shkollës, e lidhur ngushtë me kërkesat e tregut e shtoi se sfida e radhës mbetet shtimi i kapaciteteve. "Sistemi i bashkëpunimit me ndërmarrjet, i futjes së ndërmarrjeve në shkolla dhe i lidhjes së nxënësve me vendin e mundshëm të punës në ndërmarrje, është çelësi i gjithë ndryshimit. Tani problemi është të rrisim kapacitetin, edhe këtu, por dhe në gjithë qytetet e tjera. Do ketë gjithmonë e më shumë kërkesa, sepse kanë filluar ta kuptojnë që kjo fushë do të ketë punësim real për shumë njerëz dhe prindërit sidomos kanë filluar të bëhen shumë të ndjeshëm. Plus që të kemi mundësi të rrisim kapacitetin për trajnime të atyre që janë në mosha jashtë shkollore dhe që faktikisht shumë herë nuk dinë të bëjnë gjë, pavarësisht se kanë dëshirë për punë dhe refuzohen nga ndërmarrjet" , - theksoi kreu i qeverisë.