Presidenti turk kërcënoi Haradinajn, reagon zyrtari i MPJ: Mos u përzini në punët tona
Zyberaj: Turqia mik i Kosovës, jemi të hapur për dialog
Jetlir
Zyberaj është zyr tari i parë i Ministrisë së Punëve të Jashtme që i ka reaguar deklaratave kërcënuese të Presidentit të Turqisë, Rexhep Taip Erdogan. Ai ka thënë se do të kërkojnë llogari nëpërmjet kanaleve diplomatike për deklaratat e presidentit turk. Duke reaguar për kërcënimin për rrëzimin e qeverisë, Zyberaj ka shkruar se Kosova nuk lejon asnjë shtet tjetër të përzihet në punët e brendshme të shtetit përfshirë edhe rrëzimin e kryeministrit. "Turqia është vend mik i Kosovës, vend që e ka mbështetur dhe e mbështet Kosovën në vazhdimësi. Nëpërmjet kanaleve diplomatike në ditët në vijim do të sqarojmë arsyet e dek-
JETLIR ZYBERAJ
"Turqia është vend mik i Kosovës, vend që e ka mbështetur dhe e mbështet Kosovën në vazhdimësi. Nëpërmjet kanaleve diplomatike, në ditët në vijim, do të sqarojmë arsyet e deklaratave të bëra nga presidenti Erdogan, në pajtim me marrëdhëniet e mira që kemi si dy shtete dhe të parimeve të barazisë së shteteve sovrane dhe mospërzierjes në punët e brendshme", - shkruan zyrtari i MPJ.
laratave të bëra nga presidenti Erdogan, në pajtim me marrëdhëniet e mira që kemi si dy shtete dhe të parimeve të barazisë së shteteve sovrane dhe mospërzierjes në punët e brendshme", - ka shkruar Zyberaj, shkruan Express. "Ne jemi të përkushtuar të kultivojmë marrëdhëniet ndërshtetërore me të gjithë partnerët ndërkombëtare dhe me Tur-
qinë mike. Dihet fare mirë se Kosova është e hapur për bashkëpunim dhe dialog me Turqinë ne secilën fushë, pa pasur nevojë për interferim në punët e brendshme. Kosova ka institucionet e veta dhe ato udhëhiqen me përgjegjësi dhe respekt nga udhëheqësit e zgjedhur me votën e popullit",ka shtuar ai. Reagimi i Zyberajt ka ardhur pas kërcënimeve të Erdoganit drejtuar Ramush Haradinajt, pasi ky i fundit shkarkoi nga pozita e Ministrit Flamur Sefajn dhe Driton Gashin e AKI- së. Këta dy kishin marrë pjesë dhe ishin në dijeni për operacionin e inteligjencës turke në arrestimin e gjashtë gylenistëve, të cilët pastaj u dëbuan në Turqi. Ndaj këtij kërcënimi ka reaguar edhe kryetari i parlamenti, i cili ka thënë se nuk u japin llogari asnjë shteti tjetër për veprimet e udhëheqësve. Deri tani, për këtë kërcënim, asnjë fjalë s'e ka thënë Ramush Haradinaj dhe as presidenti Hashim Thaçi. Gjashtë shtetasit turq u dëbuan nga Kosova me një vendim të Ministrisë së Punëve të Brendshme, e cila kishte revokuar lejet e qëndrimit në Kosovë. Revokimi kishte ndodhur pasi AKI në bashkëpunim me inteligjencën turke kishin konstatuar se të njëjtit persona përbëjnë rrezik kombëtar për Shtetin. Sidoqoftë, operacioni për arrestimin dhe dërgimin e turqve në Turqi ishin zhvilluar gjatë ditës së enjte. Ishin deportuar për në shtetin turk me një procedurë të përshpejtuar.