Rama- opozitës: Rrugëhumbur pa atdhe që duan kaos për t'i ikur drejtësisë
PS akuzon PD- LSI se po përdor taksën për të djegur rrugën europiane të vendit Balla: Basha në fund të karrierës, po dëmton Shqipërinë 46- 26
Kryeministri Edi Rama u shpreh dje, herët në mëngjes se PD kur ishte në qeveri e bëri tenderin e pagesës së rrugës 8- 9 euro dhe dështoi. "Tani i vunë zjarrin "patriotik" e duan ta përdorin Kukësin si shishe benzine për të djegur rrugën europiane të Shqipërisë! Mjerë kush u beson rrugëhumburve pa atdhe që duan zjarr e kaos për t'i ikur drejtësisë!",- u shpreh dje, kryeministri Rama, në një status në rrjetin social, "Facebook". Ndërsa kryetari i Grupit Parlamentar të PS- së, Taulant Balla e cilësoi të paligjshëm faktin që kryetari i PD- së, Lulzim Basha u bën thirrje qytetarëve për mosbindje civile. "Unë e kuptoj zotin Basha që po mundohet të gjejë çdo degë për t'u kapur në rënien e tij të lirë. Edhe kjo sjellje apo thirrje, e cila në çdo vlerësim ligjor është e paligjshme dhe bie në kundërshtim me rregullat bazë të funksionimit të shtetit dhe të sjelljes në një vend demokratik",- u shpreh Balla. "Është e paligjshme që një politikan i bën thirrje qytetarëve të mos paguajnë taksat, kur ndërkohë mbi bazën e tyre funksionon buxheti i shtetit, funksionojnë të ardhurat, funksionojnë shkollat, funksionojnë qendrat shëndetësore, funksionojnë spitalet. Të thuash mos paguani taksat, do të thuash që të mbyllim spitalet, do të thuash që të mbyllim shkollat. Megjithatë, në papërgjegjshmërinë e vet të Lulzimit, që të gjithë e dimë se hall i madh e ka zënë, po të kemi parasysh disa fatalitete që e presin lidershipin e Partisë Demokratike në ditët dhe në javët në vijim, çështja e financimit rus, të gjithë e dimë se procesi i hetimit po ecën dhe Lulzim Basha nuk duhet të vonojë të japë dëshmitë e veta për këtë çështje", u shpreh Balla. Duke e lidhur me datën 17 prill, kur Komisioni Europian pritet të rekomandojë hapjen e negociatave me Shqipërinë, Balla tha: "Kjo është një përpjekje për t'u përdorur për qëllime politike. E ritheksoj, si sot dy javë Shqipëria ka momentin më të rëndësishëm të 10 viteve që kemi kaluar dhe të 10 viteve që vijnë. Kush tenton që për arsye të karrierës së vet politike, këtu e them shumë qartë për të gjithë shqiptarët: Lulzim Basha është në fund të karrierës së vet politike dhe si një i përfunduar në karrierën e vet politike po mundohet t'i bëjë dëm Shqipërisë". Balla kritikoi rolin e këshilltarëve social- Deputeti i LSI, Robert Bitri deklaroi se nuk ndan të njëjtin mendim për mosbindjen civile me kryetaren e partisë së tij, Monika Kryemadhi. "Zoti Basha nuk është kryetar i partisë time. Unë nuk ndaj të njëjtin mendim",- u përgjigj deputeti i LSI- së, i pyetur nga gazetarët për mosbindjen civile.
istë të Bashkisë së Kukësit, për të sqaruar situatën dhe taksën, duke saktësuar se "Ky është një proces, i cili duhet të ishte bërë më mirë nga përfaqësuesit e Partisë Socialiste në Këshillin Bashkiak. Vendimmarrja jonë, ajo që bëri me dije kryeministri, do të kalojë në të gjithë procedurën që ka përcaktuar statuti i Partisë Socialiste".