U sëmur në kopsht, 3- vjeçari ndërron jetë gjatë rrugës për në spital
Dyshime për arrest kardiak, prindërit: Djali nuk ka pasur probleme shëndetësore Mjeku Genti Kavaja: Fëmija vdiq në ambulancë, ishte pa puls dhe pa tension
Një fëmijë 3- vjeçar nga Durrësi ka humbur jetën mesditën e djeshme. Mësohet se vogëlushi ka qenë në një kopsht privat në lagjen nr. 4 të qytetit bregdetar dhe nuk është ndier mirë ( ka pasur të vjella). Menjëherë ai është dërguar në Poliklinikën e Specialiteteve në Durrës dhe nga aty në urgjencën se Pediatrisë, por nuk ka mundur të mbijetojë. Pas ngjarjes së rëndë, familjarët pohuan se djali nuk ka pasur probleme shëndetësore dhe ka qenë i shëndetshëm. Nga ana tjetër, edukatoret u shprehën se fëmija pasi është zgjuar nga gjumi, ka ngrënë drekë ( supë) dhe më pas i filluan të vjellat. Ndërkohë, nëndrejtori i Spitalit Rajonal të Durrësit, Genti Kavaja deklaroi se 3- vjeçari ka mbërritur në poliklinikë pa puls dhe pa tension dhe se ai humbi jetën teksa po transportohej me ambulancë për në spital. Gjithsesi, mjeku Kavaja tha se s'mund të thuhet asgjë deri në fund të hetimeve. Mësohet se konkluzionet e sakta për shkakun e vdekjes së fëmijës do të dalin pas dy javësh, bazuar në përgjigjen e analizave. Ndërsa, paraprakisht dyshohet që shkak i vdekjes së 3- vjeçarit të ketë qenë arresti kardiak ( vdekje e bardhë).
NGJARJA
"Më datë 05.04.2018, rreth orës 13: 15, në lagjen nr. 4 Durrës, nga një kopsht privat është dërguar në Spitalin Rajonal Durrës në gjendje të rëndë ku ka ndërruar jetë fëmija me iniciale D. Z. 3 vjeç. Grupi hetimor nën drejtimin e Prokurorisë së Rrethit Gjyqësor po punojnë për sqarimin e rrethanave të ngjarjes", thuhej në njoftimin zyrtar të policisë së Durrësit. Ndërkaq, burime nga kopshti nr. 4 u shprehën se fëmija u bë keq krejt papritur. "Djali ishte në gjumë dhe kur u ngrit hëngri drekë. Më pas ai u ul në karrigen e tij. Pas pak minutash fëmija ra dhe u nxi nga mesi e sipër dhe në fytyrë. Menjëherë i është dhënë ndihma e parë mjekësore, i është bërë masazh zemre dhe frymëmarrje artificiale. Kur pamë se gjendja e tij shëndetësore po rëndohej, e dërguam në krahë tek poliklinika e specialiteteve, e cila "Djali ishte në gjumë dhe kur u ngrit, hëngri drekë. Më pas ai u ul në karrigen e tij. Pas pak minutash fëmija ra dhe u nxi nga mesi e sipër dhe në fytyrë. Menjëherë i është dhënë ndihma e parë mjekësore, i është bërë masazh zemre dhe frymëmarrje artificiale. Kur pamë se gjendja e tij shëndetësore po rëndohej, e dërguam në krahë tek poliklinika e specialiteteve", thanë burime nga kopshti nr. 4 në qytetin e Durrësit.
ndodhet afër kopshtit", pohuan burimet nga ky institucion arsimor. Ndërsa, burime nga poliklinika deklaruan se fëmija ka mbërritur në gjendje shumë të rëndë, pa puls dhe tension. Pas ngjarjes së rëndë, policia e Durrësit ka nisur hetimet. Blutë kanë marrë në pyetje bashkëshortët Zeka, të cilët janë tronditur nga humbja e djalit të tyre të vetëm. E pyetur nëse fëmijës i kanë bërë vizitë për zemrën, nëna e 3vjeçarit është përgjigjur: "Djali nuk ka pasur probleme shëndetësore. Nuk i kam bërë vizitë për zemrën. Ai ishte mirë kur e dërguam në kopsht". Ndërkaq, burime zyrtare nga spitali i Durrësit bënë me dije se fëmijës i është bërë autopsia. Personeli mje-
ko- ligjor në bashkëpunim me grupin e mjekëve specialistë të ngritur për të zbuluar shkakun e vdekjes nuk kanë dalë në një konkluzion. Ata kanë marrë mostra, të cilat do të dërgohen në laboratorin toksikologjik në Tiranë dhe pas dy javësh do të dalin përgjigjet e analizave.
NËNDREJTORI I SPITALIT
Në lidhje me ngjarjen e rëndë ka reaguar nëndrejtori i Spitalit Rajonal të Durrësit, Genti Kavaja. "Sipas informacioneve paraprake, fëmija ka mbërritur në qendrën shëndetësore të mjekëve pediatër në gjendje tejet të rëndë, pa puls dhe pa tension. Kanë bërë veprimet e para. Mjekët kardiologë janë gjendur men-
jëherë në poliklinikë dhe kanë bërë edhe ata veprimet e para dhe ndërkohë, në moment është njoftuar urgjenca e spitalit. Ambulanca ka mbërritur në vendngjarje në
kohë rekord ( për 3 minuta) ka marrë fëmijën që ka qenë në gjendje tejet të rëndë. Ai ka ndërruar jetë gjatë rrugës për në spital", u shpreh mjeku Kavaja.