Leje e fatura, ALUIZNI publikon listat e përfituesve
Shkodër, 135 pronarët që kanë gati lejet e legalizimeve për shtëpitë Tiranë, gati faturat për parcelat ndërtimore
Drejtoria e ALUIZNI- t publikon listat me pr onat që kanë ndërtuar pa leje në Tiranë dhe kanë gati faturën për parcelën ndërtimore. Gjithashtu, ' Agjencia' publikon edhe listën me 135 pronarë në qarkun e Shkodrës, të cilët kanë gati lejet e legalizimeve.
FATURAT
"Gazeta Shqiptare" publikon listën emërore të ndarë sipas Njësive Administrative të personave të cilët duhet të paraqiten pranë Drejtorisë së ALUIZNI- t ' Tirana Jug' për të tërhequr faturën e parcelës ndërtimore. Subjekteve u është dërguar fatura me postë, e cila më pas është kthyer sërish në zyrat e ' Agjencisë'.
LEJET
ALUIZNI publikon listën me 135 persona që kanë gati lejet e legalizimeve. Përfituesit janë në qarkun e Shkodrës. Procedurat për marrjen e tapive do të ndiqen nga AULIZNI, i cili dorëzon dosjen e plotë në hipotekë. Pas regjistrimit të lejes së legaliz- imit, pronari pajiset me certifikatë pronësie, të cilën duhet të shkojnë në Zyrën e Regjistrimit të Pasurive për ta tërhequr. Pas ndryshimeve të fundit ligjore, qytetari do të marrë një kopje të lejes së legalizimit për të vërtetuar mbarimin e procesin të legalizimit, por e gjithë procedura vijuese për regjistrimin në Zyrën e Regjistrimit të Pasurive të Paluajtshme do të bëhet nga Agjencia. Ndërkohë, sipërfaqja e parcelës për të cilën miratohet kalimi i së drejtës së pronësisë nuk mund të jetë më e madhe se trefishi i sipërfaqes së bazës së ndërtimit dhe për ndërtimet pa leje me funksion banimi, jo më shumë se 500 m ² . Sipërfaqet mbi masat e përcaktuara në këtë pikë, të cilat për shkak të përmasave ose konfiguracionit nuk mund të shfrytëzohen më vete për ndërtim, i shiten poseduesit të ndërtimit pa leje sipas vlerës së pronës, të miratuar me vendim të Këshillit të Ministrave, vetëm nëse ka shprehur më parë vullnetin, nëpërmjet një kërkese me shkrim. Ndërsa në rastin kur ndërtimi pa leje disponohet nga më shumë se një person fizik ose juridik, regjistrimi i pjesëve takuese mbi pasuritë ( parcelë dhe objekt) kryhet: në pjesë të pandara, ideale, sipas numrit të subjekteve; në pjesë takuese të ndara, sipas marrëveshjes së nënshkruar ndërmjet subjekteve lirisht dhe të depozituar brenda afatit të vetëdeklarimit. Subjektet mund të përcaktojnë përveç pjesës takuese, edhe pjesët fizike respektive nëse ndërmjet tyre përputhet vullneti.