Sulmi ndaj LGBT, Lu: Kujdes, u nxit nga Manjani, Pampuri dhe Shehu
Ambasadori tregon eksperiencën kur në marshimin krah LGBT u goditën me vezë e domate "Kurajoz Totozani, Hysi, Gjebrea dhe Xhaçka"
Në forumin e Sho qërisë Civile për per sonat LGBTI, në bashkëpunim me Kuvendin e Shqipërisë ambasadori i SHBA- së, Donald Lu u tërhoqi vëmendjen deputetëve Tritan Shehu, Oriola Pampuri dhe ish- deputetit Ylli Manjani për kujdes dhe më tolerancë. Lu, në një tryezë diplomatësh dhe deputetësh kritikoi qëndrimin e ishministrit Ylli Manjani, deputetes Orjola Pampuri dhe Tritan Shehut për opinionet e tyre kundër prezencës së komunitetit LGBT në shkolla. "Përgëzojmë politikanët që janë sot në këtë aktivitet. Ju keni kurajë të vërtetë politike. Kemi ndjekur debatin e nxitur nga komentet e bëra nga Ylli Manjani, Orjola Pampuri dhe Tritan Shehu. Shpresoj që drejtuesit politikë të kuptojnë se fjalët e tyre përfaqësojnë jo vetëm bindjet e tyre partiake, por dhe të njerëzve të zgjedhur për t'i përfaqësuar. Shpresoj që edhe politikanët të jenë tolerantë",- tha ambasadori amerikan. Donald Lu ndau eksperiencën e majit të 2016, ku ishte pjesë e aktivitetit të pedalimit me aktivistët e këtij komunitetit për të treguar se elementët dhe sjelljet homofobë janë prezentë. Lu tregoi se kishte mbetur i shokuar kur qytetarët goditën me vezë dhe domate dhe njëra prej tyre goditi një fëmijë. "Mbeta i shokuar kur tre vjet më parë ngisja biçikletën në marshimin e krenarisë LGBT. U shokova nga pandjeshmëria dhe padia e disa qytetarëve. Megjithëse atë ditë kishte mbrojtje të madhe nga policia, dikush hodhi një vezë që pothuasje goditi një djalë 4 vjeçar, i cili ishte në marshim me babain e tij. Një nga koleget e mia të ambasadës u godit me një domate. Më thanë se kjo ishte shumë më mirë sesa kërcënimet e sharjet e viteve të para",- theksoi z. Lu. Ambasadori amerikan pranoi se ka përparime në këto tre vite, por se ka ende diskriminim
dhe homofobi. "Është e vërtetë se kam parë përparim gjatë tre viteve të mia në Tiranë, por kam parë dhe diskriminimin dhe homofobi të vazhdueshme. Kam parë fare pak politikanë të gatshëm të marrin pjesë në aktivitete, të mbështesin këtë komunitet siç është marshimi i krenarisë apo mbrëmja gala për indeksin LGBT. Vetëm pak prej tyre kishin kurajë. Mund të
përmend Igli Totozani, Vasilika Hysi, Elona Gjebrea dhe Olta Xhaçka",- tha z. Lu. Ambasadori kishte dhe një koment për debatin e ditëve të fundit. Nën/ kryetarja e Kuvendit, Vasilika Hysi, e cilësoi të patolerueshme sjelljen e disa deputetëve në raport me komunitetin e LGBTI. "Në këtë Kuvend krah për krah me ne kanë qenë të ulur kolegë pa integritet, të përf- "Ju keni kurajë të vërtetë politike. Kemi ndjekur debatin e nxitur nga komentet e bëra nga Ylli Manjani, Orjola Pampuri dhe Tritan Shehu. Shpresoj që drejtuesit politikë të kuptojnë se fjalët e tyre përfaqësojnë jo vetëm bindjet e tyre partiake, por dhe të njerëzve të zgjedhur për t'i përfaqësuar. Shpresoj që edhe politikanët të jenë tolerantë", - u shpreh z. Lu.
shirë ose të dyshuar për lidhje me botën e krimit ose të korruptuar. Mes nesh ka pasur deputetë, kolegë dhe kolege që nuk e meritonin të ishin në Kuvend dhe janë pranuar dhe nuk na ka ardhur turp që i kemi pasur një pjesë. Ndërsa kur flasim për çështjet e LGBTI ka kolegë që i zë tmerri dhe nuk e pranojnë diskutimin e kësaj çështje. Sa herë që ka
çështje që lidhen me këtë komunitet ka një hezitim, ka frikë, kanë frikë mos humbasin mbështetësit e tyre në zonat elektorale, disa nuk kanë informacionin e duhur. Unë i kuptoj por nuk i mirëkuptoj",- tha deputetja e PS- së. Kurse ministrja Nikolla u shpreh për herë të parë për orët e hapura të LGBT në shkolla. Pasi inkurajoi komunitetin në punën e bërë
për të ndërgjegjësuar mësuesit dhe nxënësit, ndau dhe vetë një eksperiencë jo të mirë. Ambasadorja e BE- së në Tiranë, Romana Vlahutin dhe shefi i zyrës së Këshillit të Europës Claus Neukirch u shprehën se anëtarësimi në BE është një zgjedhje vlerash, respektimi i të drejtave themelore të njeriut, tolerancës, respektimit të diversitetit janë të panegociueshme.