Vrasja e Devi Kasmit, prokuroria e Tiranës shpall moskompetencë, dosja kalon te Krimet e Rënda
41- vjeçari u ekzekutua mbrëmjen e 29 janarit, mes të arrestuarve edhe ish- speciali grek Efthimios Efthimiu Të dyshuarit, nën akuzë për grup të strukturuar kriminal
Prokuroria e Tiranës shpalli ditën e djeshme moskompetencë për hetimin e vrasjes së Devi Kasmit mbrëmjen e 29 janarit në kryeqytet. Dosja penale u transferua në prokurorinë e Krimeve të Rënda, pasi mbi 6 personat e dyshuar mbi këtë krim, mes tyre dhe grekut Efthimios Efthimyu rëndon akuza e grupit të strukturuar kriminal dhe hetimi i grupeve të tilla është kompetencë e tyre. Ditën e djeshme, gjyqtarja Ardiana Bera bëri me dije se kërkesa e bërë nga njëri prej të dyshuarve, Mario Meshinit për zëvendësimin e masës së sigurisë, nuk do të shqyrtohet nga akuza e Tiranës, me argumentin se është kompetencë e gjykatës për Krime të Rënda. Kujtojmë se Meshini mohon lidhjen me ngjarjen, pasi sipas tij me viktimën kishte miqësi, por i riu është personi i fundit që kontaktoi me Kasmin pak minuta para se ai të vritej. Meshini kërkoi zëvendësimin e arrestit me burg në një masë më të lehtë. Me gjykatësit e krimeve të rënda do të përballen edhe ish- speciali grek, Efthimius, i cili dyshohet si ekzekutor, Elton Hoxhallari, Elton Halipaj dhe Malvin Dinellari. Ndërkohë në kërkim për vrasjen e Devi Kasmit është shpallur Aurel Hoxhallari.
NGJARJA
Devi Kasmi u ekzekutua me 4 plumba mbrëmjen e 29 janarit në rrugën ' Kongresi i Manastirit' në afërsi të Urgjencës së Pediatrisë. Atentatorët thuhet se pritën deri sa objektivi i tyre doli nga banesa, ndërsa qëlluan ndaj tij, duke e lënë të vdekur në vend. Fill pas krimit ata u larguan me shpejtësi në drejtim të SHISH. Policia në bashkëpunim të ngushtë me prokurorinë e rrethit gjyqësor Tiranë, finalizuan me sukses dhe në kohë rekord goditjen e grupit kriminal, të cilët dyshohen se organizuan vrasjes dhe ekzekutuan shtetasin Devi Kasmi. Uniformat blu vunë në pranga Efthymiou Efthymious, 41 vjeç, lindur e banues Arta Greqi; Elton Hali- paj, 36 vjeç, lindur në Skrapar e banues në Tiranë; Malvin Dinellari, 30 vjeç, lindur në Korçë e banues në Tiranë; Elton Hoxhallari, 36 Dosja penale u transferua në Prokurorinë e Krimeve të Rënda, pasi mbi 6 personat e dyshuar mbi këtë krim, mes tyre dhe grekut Efthimios Efthimyu rëndon akuza e grupit të strukturuar kriminal dhe hetimi i grupeve të tilla është kompetencë e tyre.
vjeç, lindur e banues në Tiranë. Gjithashtu, u shpall në kërkim shtetasi ( Altin) Aurel Hoxhallari, 41 vjeç, lindur e banues Tiranë. Shtetasi i shpallur në kërkim ( Altin) Aurel Hoxhallari, dyshohet si organizatori i këtij grupi të strukturuar kriminal. Shtetasi Elton Halipaj ka siguruar mjetet e nevojshme për kryerjen e krimit. Shtetasi grek Efthymiou Efthymious, dyshohet në rolin e ekzekutorit të shtetasit Devi Kasmi. Në momentin e arrestimit, atij iu gjetën me vete një sasi prej 25 mijë eurosh, që dyshohet se i ka përfituar si shpërblim për vrasjen. Shtetasi Malvin Dinellari ka siguruar mjetet dhe përgatitur infrastrukturën për realizimin e vrasjes. Shtetasi Elton Hoxhallari dyshohet si bashkëpunëtor në sigurimin e mjeteve dhe përgatitjen e infrastrukturës për realizimin e vrasjes. Gjatë këtij operacioni të mirë- organizuar janë ushtruar kontrolle në disa banesa të autorëve të dyshuar si dhe në një vilë të ndodhur në periferi të Tiranës, në pronësi të organizatorit të këtij grupi, Aurel Hoxhalari, e cila shërbente si bazë e grupit.