Lëvizje në SHISH, zbulohen emrat e nëntë drejtuesve të shkarkuar
Helidon Bendo ' shkund' institucionin pa marrë ende dekretin e presidentit Emërohen 12 të tjerë, mes tyre ish- punonjës të Sigurimit të Shtetit
Helidon Bendo, drej tuesi i komanduar i Shërbimit Informativ Shtetëror, i cili ende nuk është dekretuar nga Presidenti Ilir Meta, pa kaluar 2 muaj nga largimi i Visho Ajazit largoi nga detyra të gjithë drejtuesit e mëparshëm. Një listë me emrat e drejtuesve të SHISH që u zbritën në detyrë me urdhër të drejtuesit aktual, është siguruar nga Lapsi. al. Janë zbritur në detyrë Drejtori i Zbulimit, Drejtori i Kundërzbulimit, Drejtori i Bërthamës së Brendshme dhe të Jashtme të Shërbimit, Drejtori i Drejtorisë kundër Krimit të Organizuar, Drejtori i Krimit Ekonomik dhe Korrupsionit, Drejtori i Arshivës Sekrete, Drejtori i Personelit, dhe Drejtorët e të gjithë qarqeve. Mes emrave që i kanë zëvendësuar të larguarit nga detyra ka ish- inspektorë, për disa prej të cilëve ka pasur masa disiplinore, ndërsa pjesa më e madhe të emëruarve janë ishpunonjës të sigurimit të sh- tetit. Vetë Bendo ka një bashkëpunim të gjatë me ish- drejtuesit e shkarkuar, pasi ka qenë zëvendës i Visho Ajazi Likës. Në kulmin e lulëzimit të kanabisit, nga mesi i vitit 2016, në tryezën e Edi Ramës nisën të bëhen më të shpeshta informacionet për implikimin e policëve në biznesin e drogës. Gjithsej 59 raporte me informacione për 127 policë të survejuar nga agjentët e SHISH, rrodhën në media pak muaj më parë. Në këto dokumente u përmendën për herë të parë Jaeld Çela, Sokol Bode dhe Gjergj Kohila, policët e dosjes Tahiri, që konsiderohen hallkat kyçe në zinxhirin që lidh kampionët e qeverisë me nënkampionët e kanabisit. Prokuroria e Krimeve të Rënda i përdori atëherë disa sinjale të SHISH si pikënisje për dosjet hetimore. Me Visho Ajazi Likën, kryeministri u nda me një shtrëngim duarsh, një dekoratë dhe me propozimin si ambasador në NATO. Me bashkëpunëtorët e Visho
Ajazit, bashkëhartues të raporteve të kanabisit, pati vetëm ndëshkime. Raportet që hartoi SHISH kanë qenë temë diskutimi në një mbledhje të Këshillit të Sigurisë. Bujar Nishani ka pranuar se veç Edi Ramës, me të dhënat ishte njohur
ish- ministri i Brendshëm, Saimir Tahiri. Raportet e Shërbimit Informativ Shtetëror sinjalizonin se situata kishte dalë jashtë kontrollit në Policinë e Shtetit. Ato ishin dëshmi tronditëse se deri ku shkoi implikimi i policisë në biznesin e kanabisit.