Shoqëria civile në protestë, i vendos Edi Ramës traun para Kryeministrisë
Qindra qytetarë kundërshtojnë taksën e Rrugës së Kombit Solidariteti me kuksianët: Nuk jemi dele
Dhjetëra persona janë bashkuar dje në një protestë para Kryeministrisë, ku në shenjë simbolike i vendosën traun për të mos kaluar kryeministrit Edi Rama. Qytetarët i janë përgjigjur kërkesës së shoqërisë civile për të protestuar në mbështetje të 23 kuksianëve të ndaluar për Rrugën e Kombit. Përmes pankartave të tyre, ata i kanë kërkuar kreut të qeverisë heqjen e tarifës së kalimit në Rrugën e Kombit. "Më arrestoni edhe mua", ishte mbishkrimi kryesor në parullat e qytetarëve, në shenjë solidarizimi kundër arrestimit të 23 kuksianëve për dhunën në Rrugën e Kombit. Protesta e shoqërisë civile ka nisur në lulishten e parkut "Rinia". Më pas ajo është zhvendosur para zyrës së kryeministrit Rama, ku protestuesit kanë bërë thirrje që ai të largohet nga qeverisja. Aktivistë të shoqërisë civile, artistë, qytetarë të papunë, studentë dhe pedagogë u shprehen kundër taksave të larta. Mes tyre pati edhe nga ata që e paralajmëruan qeverinë se protesta në Rrugën e Kombit mund të përsëritet para Kryeministrisë.
Me banderola "boll me arrogancë, dhunë dhe koncesione" protesta e shoqërisë civile nisi në orën 12: 00 dhe zgjati rreth 3 orë. Ndërkohë, opozita ka paralajmëruar vazhdimin e protestave dhe javën e ardhshme.
"Protesta e sotme, ( djeshme) është për të përkrahur dhe për të treguar mbështetjen për atë që ndodhi në Kalimash, për të gjithë ata protestues që vazhdojnë të jenë në qelitë e paraburgimit dhe për t'i dhënë kryeministrit një mesazh shumë të rëndësishëm që nuk mund të vazhdojmë më të qeverisim me arrogancë, me dhunë policore dhe nuk mund të vazhdojë më të japë hapësirat publike, të cilat u përkasin të gjithë qytetarëve shqiptarë me koncesion, me kontrata ligjore afatgjata vetëm një grushti klientësh të tij, të cilët i përdorin këto hapësira për t'u pasuruar, ndërkohë që qytetarët marrin mbrapsht taksa më të larta dhe kërbaç kur ata ankohen", tha aktivisti Besjan Pesha. Një tjetër përfaqësues i shoqërisë civile, Adri- "Nuk lejojmë më asnjë arrestim, Rama ti nuk e arreston dot të gjithë popullin shqiptar. Rama ka fuqi më shumë se unë sot e se ne, por fuqia e së vërtetës sonë është më e madhe se e kërbaçit të tij", tha dje një nga protestuesit para Kryeministrisë.