Dhuna në Kuvend, përjashtohet Bushati dhe 6 deputetë të opozitës
Debatet në Byro, Paloka: Kam bërë burg politik, vendi drejt përplasjes civile Ministri provokoi opozitën, Ruçi s'e ' fal'
Byroja e Kuvendit për jashtoi dje 6 deputetë të opozitës dhe ministrin e Jashtëm, Ditmir Bushati. Byroja përjashtoi për 10 ditë deputetët, Edi Paloka dhe Ervin Salianji, Flamur Noka, Klevis Balliu, Endrit Brahimllari, Kejdi Mehmetaj. Sipas vendimit asnjë prej tyre nuk lejohet të marrë pjesë në seancën parlamentare të radhës. Po ashtu u vendos përjashtimi me 10 ditë edhe i ministrit të Jashtëm, Ditmir Bushati që iu përgjigj me ujë deputetëve të opozitës. Pas debateve të forta në mbledhje, vendimi u mor vetëm me votat e deputetëve të shumicës. Dy deputetët e opozitës që morën pjesën në votim, Paloka dhe Mima votuan në bllok kundër vendimit për përjashtimet, përfshirë edhe ministrin Bushati, pasi kërkojnë që i pari të përjashtohet Rama për gjuhën sipas tyre ofenduese ndaj qytetarëve. Deputetët e opozitës debatuan me deputetët e mazhorancës. Paloka i është drejtuar deputetit Hyseni: "Kam bërë burg për politikë, por kurrë për vjedhje pronash. Nga ana e tij, deputeti Flamur Noka u shpreh: "Solla miell nga kuksianët e mi, sepse ata aq mundësi kishin, mbase kryeministri do miell tjetër". Kurse demokrati Ervin Salianji deklaroi: "Keni prova ose fakte që vërtetojnë dëmin tim? Kemi dëgjuar që vetëm mielli e sjell në vete, e futëm në Kuvend". Në debat u përfshi dhe deputeti i LSI- së, Endrit Braimllari: "Kryeministri ofendoi rëndë shqiptarët. Frazat e Ramës juve ju duken poezi, por ato janë ofendimet më të rënda që i bëhen popullit. Shqiptaret janë provokuar nga Edi Rama duke i krahasuar me organ gjenital. Ky kryeministër e ka humbur të drejtën legjitime për të drejtuar, tani çdo gjë i mbetet në dorë popullit. Ministri i Jashtëm është sjellë si një ordiner. Provokoi rëndë opozitën duke i hedhur ujë". Kurse demokrati Klevis Balliu theksoi: "Kryeministri fyen shqiptarët dhe nuk është marrë asnjë "Rregullorja e Kuvendit është e qartë dhe deputetët dhunues duhet të ndëshkohen. Por sot kemi asistuar edhe në elementë të veprave penale, që lidhen me goditje të personave që kryejnë detyra publike. Shikoni deputetin demokrat, Flamur Noka, i cili shkul mikrofonin nga foltorja dhe godet me mjete të forta ndaj kryeministrit dhe kryetarit të Kuvendit. I bëj thirrje prokurorisë të hetojë dhunën në seancë!", tha z. Balla.