Balla: Ajo që bëri opozita në Kuvend nuk i bën mirë integrimit të vendit
Kreu i grupit parlamentar të PS takon raporterin e BE në Bundestag
Kryetari
i grupit par lamentar të Partisë Socialiste, Taulant Balla u takua dje pasdite me deputetin e Bundestagut gjerman, Manuel Sarrazin, i cili është raportues për Bashkimin Europian në Bundestag. Pas takimit, Balla u shpreh se Shqipëria është në një moment shumë të rëndësishëm në rrugën e saj drejt BE- së dhe stacionin e radhës ka rekomandimin që Komisioni Europian do t'u sugjerojë vendeve anëtare, të cilat përmes vendimmarrjes në këshill marrin vendimin përfundimtar për hapjen e negociatave. Sipas Ballës, ditët dhe javët në vijim janë shumë të rëndësishme, sepse hapja e negociatave nuk duhet konsideruar si një fitore e PS- së, si partia qeverisëse e vendit, por duhet konsideruar si një moment historik për të gjithë shqiptarët. Ndërsa sa i takon dhunës së opozitës në sallën e parlamentit, Balla tha se është për të ardhur keq që në këto ditë të rëndësishme për Shqipërinë dhe shqiptarët, fotografia që opozita ofroi sot ( dje) në Kuvendin e Shqipërisë nuk i bën aspak mirë këtij procesi. "Unë jam shpresëplotë që grupet e mëdha politike në parlamentin gjerman do ta mbështesin, por edhe të Gjelbrit që janë një numër jo i paktë, po edhe Liberalët. Duhet të kemi parasysh që grupi i ekstremit të djathtë me siguri nuk do të jetë në favor të kësaj, sa kohë që nuk janë në favor as të BE", tha Balla. Më herët ai tha se, "dhuna e opozitës në Kuvend është kundër hapjes së negociatave të Shqipërisë me Bashkimin Europian, në mbrojtje të gjyqtarëve të korruptuar".