Zv. ministri Shkreli: Lehtësi për përdoruesit e shpeshtë
Tarifat e Rrugës së Kombit, takime me banorët në Tropojë Dushaj: Tarifa të paguhet, ata që s'kanë mundësi të përjashtohen
Ministria e Infras trukturës dhe En ergjisë bëri të ditur se do të ketë matje të reja në Rrugën e Kombit për të identifikuar ata që do të njihen si frekuentues të shpeshtë. Deklaratën e bëri zv. ministri Infrastrukturës dhe Energjisë Artan Shkreli në një takim me banorët e Tropojës. Zëvendësministri Shkreli u njoh nga afër me pretendimet e banorëve për tarifën e kalimit në Rrugën e Kombit dhe propozimet e tyre për të zbutur efektin mbi komunitetin lokal. "Për sa u përket atyre që nuk përdorin makinat private dhe këtu fus njerëz që janë shumë në nevojë, fus studentë, njerëz që marrin transportin publik apo të moshuarit, natyrisht kjo do të ketë një trajtim të veçantë dhe preferencial. Gjithashtu, për përdoruesit e shpeshtë do të shohim një formulë që këta njerëz, siç foli dhe zotëria që shkon disa herë në muaj në Tiranë apo që shkojnë shumë herë në vit, se nuk është e thënë të shkojnë patjetër dy herë në javë, të krijojmë një fashë për këta njerëz dhe mënyrën si identifikohen ata tek pjesa ku paguan. Do të bëjmë dhe disa matje të tjera për të kuptuar se çfarë do të thotë përdorues i shpeshtë i rrugës",- u shpreh Shkreli.
VIZITA
Gjatë vizitës në Tropojë, zv. ministri Shkreli u prit në një takim edhe nga kryebashkiaku Besnik Dushaj me të cilin diskutoi mbi çështjen e infrastrukturës dhe procesin e negociatave mes qeverisë dhe kompanisë koncesionare, referuar mirëmbajtjes së Rrugës së Kombit. "Besoj se do të arrijmë në një formulë të atillë që, nga njëra anë, tarifa të paguhet, por nga ana tjetër, njerëzit, pra shtresat apo grupet e ndryshme, të cilët nuk e kanë këtë mundësi, të lehtësohen në këtë pagesë. Problemi është që ne, dhe këtë nuk e them për Rrugën e Kombit, duhet të mësohemi se ajo që ndodh në botë ndodh edhe tek ne, por ne jemi me një hap vonesë qoftë në të mirat apo edhe efektet anësore që kanë",- nënvizoi Shkreli. Këto konsultime të drejtuesve të Ministrisë së Infrastrukturës dhe Energjisë do të vazhdojnë edhe në bashkitë e tjera të qarkut të Kukësit.
TARIFA
Në fund të marsit hyri në fuqi tarifa për Rrugën e Kombit. Sipas kontratës kompania që e ka marrë me koncesion do të vendosë një tarifë fikse për hyrje- daljen e automjeteve në autostradë. Tarifa e vendosur për çdo automjet është 10 euro, 5 euro si taksë hyrje e 5 të tjera si taksë daljeje. Si- pas të dhënave, edhe nëse autostrada realizon minimumin e hyrje- daljeve të makinave në ditë të ardhu- rat vjetore do të jenë minimalisht 13 milionë euro, duke mos llogaritur këtu edhe kalimin e automjeteve të rënda, të cilat kanë sigurisht tarifa më të larta. Aplikimi i tarifës është shtyrë me dy muaj derisa të gjen- det një zgjidhje për mënyrën si do të trajtohen banorët e zonës, të cilët e përdorin çdo ditë rrugën.