Bushati takon pakicat serbo- malazeze: Projekte specifike për pakicat kombëtare

Ministri

i Jashtëm, Ditmir Bushati ka nisur dëgje sat me pjesëtarë të pakicave kombëtare, pas miratimit të ligjit për pakicat kombëtare. Qeveria ka vendosur që aktet nënligjore të mos i vendosë pa i diskutuar më parë me vetë pakicat e njohura. Ministri për Evropën dhe Punët e jashtme, Ditmir Bushati theksoi gjatë një diskutimi me pjesëtarë të pakicave në Shkodër se, pavarësisht progresit që është bërë, ka ende shumë detyra përpara si promovimi dhe mbrojtja e të drejtave të pakicave. "Kemi shumë detyra përpara, fillimisht me ripërcaktimin e të gjithë arkitekturës në fushën e mbrojtjes dhe promovimit të të drejtave të pakicave, bashkëpunimin me pushtetin vendor dhe me përfaqësuesit kryesorë të pakicave të ndryshme në Shqipëri", tha Bushati. Ministri theksoi se ka diskutuar me ministrat e Jashtëm të Malit të Zi dhe Serbisë për të ndërtuar projekte specifike që janë më të përshtatshme për karakteristikat që ka pakica në Shkodër. Kryetarja e Nënkomisionit për të Drejtat e Njeriut, znj. Vasilika Hysi, theksoi ky proces konsultimi është praktika e duhur për hartimin e kuadrit të duhur ligjor.