Rama: I nderuar për Anetën, ndër gratë e para që u shkuli dhëmballët burrave

Kryeministri mori çmimin për nder të nënës së tij stomatologe

Kryeministri

Edi Rama njoftoi të shtunën, përmes rrjetit social "Facebook", se kishte qenë përfaqësues i nënës së tij për të marrë çmimin që asaj iu akordua në Vlorë për kontributin në stomatologji. "I nderuar dhe i emocionuar që tërhoqa si mëkëmbës i nënës sime, Anetës, e cila e kishte të pamundur të ishte e pranishme për shkak të sëmundjes së vështirë që po kalon, titullin ' Nderi i Stomatologjisë Shqiptare' - akorduar për të nga Urdhri i Stomatologut të Shqipërisë, në një ceremoni prekëse në vendlindjen e saj, me rastin e 100- vjetorit të Shërbimit Stomatologjik të Vlorës", shkroi kryeministri Rama, duke i bërë edhe një dedikim të ëmës: "Love you mom? Krenar për ty". Gjatë ceremonisë së marrjes së çmimit, Rama ka bërë edhe batuta. Duke falënderuar organizatorët, Rama tha se ndihej i nderuar që nëna e tij, Aneta nderohej me këtë çmim "si ndër të parat gra që u shkuli dhëmballët burrave". Kjo batutë e tij shkaktoi të qeshura në sallën e aktivitetit.