Plagosja e 32- vjeçarit në Fier, policia: I riu u qëllua nga dy kushërinjtë
Sherri në pikën e basteve, identifikohen dhe shpallen në kërkim autorët Zbardhet ngjarja, ja si u shpëtoi plumbave Arbër Jakupi
Policia e Fierit ka zbardhur në kohë re kord ngjarjen e ndodhur dy ditë më parë, ku mbeti i plagosur 32- vjeçari Arbër Jakupi. Uniformat blu bëjnë me dije se kanë identifikuar dhe shpallur në kërkim autorët e dyshuar të ngjarjes, dy kushërinjtë 25vjeçarë, E. H. M. dhe E. D. M.. Konflikti ndodhi afër Prefekturës në Fier, ku dy djemtë e xhaxhallarëve kanë plagosur me thikë shtetasin Arbër Jakupi, pas një sherri në një pikë bastesh. Sakaq, policia po punon intensivisht për kapjen e autorëve dhe zbardhjen e plotë të rrethanave të ngjarjes. Një sherr mes tre personave në një pikë bastesh në Fier degjeneroi dy ditë më parë deri në përdorimin e armëve të zjarrit. Policia zbardhi në kohë rekord ngjarjen ku mbeti i plagosur 32- vjeçari A. J. Policia identifikoi dhe shpall në kërkim dy autorët e dyshuar. Pas konfliktit të ndodhur më datën 14.04.2018, rreth orës 21: 25 në afërsi të Prefekturës Fier, ku mbeti i plagosur shtetasi A. J, 32 vjeç, banues në Fier, Policia e Fierit ngriti një grup të posaçëm hetimor për zbardhjen e ngjarjes. Sipas policisë, nga hetimet paraprake dhe nga informa- cionet e siguruara, dyshohet se shtetasi A. J., pasi është konfliktuar fizikisht në një lokal për motive të dobëta me shtetasit E. H. M, 25 vjeç dhe E. D. M, 25 vjeç, të dy banues në Patos ( djem xhaxhallarësh), është qëlluar me thikë nga shtetasi E. H. M. Gjithashtu, njëri prej autorëve ka qëlluar edhe me armë zjarri pistoletë në drejtim të shtetasit A. J., por nuk ka pasur plagë të shkaktuara nga arma. Policia po punon intensivisht për kapjen e autorëve dhe zbardhjen e plotë të rrethanave të ngjarjes. Materialet i kaluan Prokurorisë pranë Gjykatës së Shkallës së Parë Fier për veprat penale "Vrasje me dashje, e mbetur në tentativë e kryer në bashkëpunim" dhe "Prodhimi dhe mbajta pa leje e armëve dhe municionit luftarak" parashikuar nga nenet 76/ 22/ 25 dhe 278/ 2 të Kodit Penal.