Protestuesit: Orban vodhi zgjedhjet dhe korrupsioni karakterizon qeverinë e tij

Hungari, mijëra persona në protestë kundër Orban

Mijëra

persona kanë protestuar të shtunën në Budap est kundër qeverisë së kryeministrit Viktor Orban vetëm një javë, pasi ai u rikonfirmua për të tretin mandat radhazi në krye të qeverisë hungareze. Kundërshtarët e Orbanit u dyndën në kryeqytetin hungarez për të kundërshtuar atë që e quajnë një "sistem zgjedhor të padrejtë". Marshi u organizua nga një grup në Facebook që quhet "Ne jemi shumica". Pjesëmarrësit në manifestimin popullor e akuzuan Orban për vjedhje të zgjedhjeve, korrupsion dhe abuzim me pushtetin, që për ta janë kthyer në karakteristika të qeverisjes së kryeministrit. "Orban vodhi zgjedhjet dhe korrupsioni karakterizon qeverinë e tij", u shprehën protestuesit. Pjesëmarrësit e këtij marshi, më së shumti të rinj, kërkuan rinumërim të votave, një ligj të ri zgjedhor, media publike asnjanëse dhe një bashkëpunim më të mirë mes partive opozitare. Ndërkaq, duke parë numrin e madh të personave që iu bashkuan kësaj proteste, është njoftuar një tjetër protestë fundjavën e ardhshme. Të pranishëm në demonstratën kundër Orbanit ishin rreth 100 000 njerëz. Ata mbanin në duar flamuj hungarezë dhe të Bashkimit Europian. Edhe pse kishte një numër të madh policësh në këtë protestë, nuk ndodhi asnjë incident.