Bundesliga, Shalke fiton derbin e Ruhrit

Blutë thyejnë Dortmundin 2- 0 në "Veltins Arena"

Shalke

ka arritur të fitojë në ndeshjen direkte për një vend në Europë përballë Borusia Dortmundit me rezultatin e pastër 2- 0, duke blinduar kështu vendin e dytë me 4 pikë më shumë se Leverkuseni dhe Dortmundi. Në derbin e Ruhrit të luajtur në "Veltins Arena", blutë e Tedeskos kanë arritur të sigurojnë 3 pikë dhe të lënë një rival jashtë gare për këtë pozicion. Pjesa e parë është mbyllur me rrjeta të paprekura, me Shalken që e ka kërkuar më shumë golin, por pa arritur ta gjejë. Por gjithçka do të ndryshojë në fraksionin e dytë. Konoplianka ka shënuar golin e avantazhit në minutën e 50- të, pasi mposhti portierin Buerki me një gjuajtje të fortë në shtyllën e dytë. Në pjesën e mbetur të lojës, Dortmundi ka mundur të fitojë terren në fushë, por në minutën e 82- të, ka qenë Naldo ai që ka shuar shpresat e verdhezinjve për të barazuar, duke shënuar edhe golin e dytë për Shalken. Braziliani ekzekuton fuqishëm një goditje dënimi, duke bërë të shpërthejë tifozëria vendëse për një sukses të merituar ndaj rivalit të përjetshëm.