Arkivat e komunizmit, Butka: Ka përplasje ligjore mes institutit dhe Autoritetit të Dosjeve
Shfrytëzimi
i arkivave të komunizmit ka ndeshur për plasje ligjore mes Autoritetit të Dosjeve, i krijuar vitet e fundit dhe Institutit të Studimeve të Krimeve dhe Pasojave të Komunizmit. Në Komisionin parlamentar të Ligjeve, studiuesi Uran Butka kërkoi përcaktim të qartë të kompetencave të institucioneve. Ka përplasje ligjore për shfrytëzimin e arkivave për ish- të përndjekurit politikë të veprimtarisë së Autoritetit të Hapjeve të Dosjeve dhe Institutit të Studimeve të Krimeve dhe Pasojave të Komunizmit. Shqetësimi u ngrit në Komisionin parlamentar të Ligjeve nga historiani dhe studiuesi Uran Butka. "Na është krijuar një vështirësi lidhur me arkivën, të cilat kanë qenë të hapura, por tashmë në Arkivin e Ministrisë së Brendshme ka një farë pengese, ose dublim sepse është futur brenda Autoriteti i Dosjeve dhe nuk e dimë ligjërisht si qëndron kjo punë. A do të administrohet dhe arkivi i Ministrisë së Brendshme nga Autoriteti i Dosjeve, siç pretendohet nga ata apo do të vazhdojë puna siç ka qenë?!", tha Butka. Nga ana e tij, kreu i ' Ligjeve', Ulsi Manja tha: "Nuk besoj se është çështje përplasjeje ligjesh, por gjithsesi pasi të kemi edhe raportimin e Autoritetit të Hapjes së Dosjeve, do të kemi edhe një analizë për të përcaktuar sferën e veprimtarisë së secilit prej institucioneve". Nga ana e tij, Agron Tufa, drejtor ekzekutiv i institutit tha: "Ajo që nuk na mjafton e që e kam shprehur vazhdimisht, është mungesa katastrofike e stafit për t'i përballuar të gjitha këto angazhime".