Paralajmërimi, Fatmir Xhafaj: Policia do ua nxijë jetën grupeve kriminale
Takimi në Elbasan, ministri: "Forca e Ligjit" është operacion i suksesshëm "Në 3- 4 muaj kemi goditur 7 grupe me 100 persona të arrestuar, drejtues apo anëtarë"
Shteti është më i fortë se çdo lloj krimineli. Për secilin prej tyre duhet të jetë shumë e qartë që policia do t'ua nxijë jetën, në mënyrë që veprimtaria e tyre kriminale të mund të përballet me drejtësinë, të ndëshkohet në formën e saj më të ashpër. Sepse krijojnë shqetësime për sigurinë, rendin, jetën e qytetarëve, ekonominë, pasurinë. Dhe këtu ne jemi në një betejë pa kompromis". Kështu deklaroi dje ministri i Brendshëm, Fatmir Xhafaj nga Elbasani. Gjatë aktiviteti "Forumi Qytetar për Sigurinë Publike", që u zhvillua në këtë qytet, ai tha se brenda pak muajsh janë goditur 7 grupe kriminale dhe janë arrestuar drejtues dhe anëtarë të këtyre grupeve. Kreu i Ministrisë së Brendshme u shpreh se në këtë qytet veprojnë 2- 3 grupe kriminale. Ai theksoi se ata janë identifikuar, ndërsa tashmë po punohet për dokumentimin dhe për t'i vendosur para drejtësisë me çdo lloj sakrifice. "Kam qenë i pranishëm pak muaj më parë në një takim të këshillit të sigurisë këtu në Elbasan, pjesë e një projekti të rëndësishëm, projekti policimi në komunitet. Ishte pjesëmarrja në këtë takim që u bë pikënisje për ta zgjeruar më tej këtë koncept dhe për të ndërtuar një marrëdhënie të re të policisë me qytetarët, me komunitetin. Ky forum nuk është një institucion. Është pikënisja për të realizuar këtë filozofi mes policisë, organeve të qeverisjes vendore dhe grupeve të tjera për të pasur më shumë rend, qetësi dhe siguri", pohoi Xhafaj. Ndërkaq, gjatë fjalës së tij tha: Policia është para disa sfidave që kanë të bëjnë me rendin. Në zbatim të disa prioriteteve është e angazhuar në disa sfida me rëndësi, luftën kundër krimit dhe parandalimin e terrorizimit. Angazhim për t'u përballur me krimin e organizuar. Plan
masash konkrete për të goditur grupet kriminale. Dua të them që ' Forca e Ligjit' është operacion i suksesshëm. Kemi skeduar të gjitha grupet kriminale në Shqipëri apo që ushtrojnë aktivitetin jashtë vendit. Jo vetëm që i kemi evidentuar, por me bashkëpunimin e Prokuror-
isë kemi goditur një pjesë të rëndësishme të këtyre. Kemi goditur 7 grupe kriminale me 100 persona të arrestuar, drejtues apo anëtar të këtyre grupeve kriminale. Jemi të angazhuar për ndëshkimin e këtyre grupeve kriminale. Për t'i vënë para përgjegjësisë dhe ligjit".