Sot Dita Monumenteve, hyrja falas në muze e parqe

18

prilli është Dita Ndërko mbëtare e Monumenteve dhe Siteve Arkeologjike. 2018- a ka nw fokus temën “Trashëgimia Kulturore për Brezat”. Qëllimi i kësaj dite është të inkurajojë individët dhe komunitetet lokale në të gjithë botën që të vlerësojnë rëndësinë e trashëgimisë kulturore për jetën, identitetet dhe komunitet e tyre dhe të rrisë ndërgjegjësimin për diversitetin por edhe rrezikun që i kanoset asaj duke nxitur përpjekjet për mbrojtjen e ruajtjen e kësaj trashëgimie. Në këtë kuadër edhe Shqipëria i bashkohet kësaj dite ndërkombëtare dhe të gjitha institucionet kombëtare që administrojnë vlera të trashëgimisë kulturore kryesisht monumente në administrim të DRKK- ve dhe parqet arkeologjike do të përfshihen gjatë gjithë javës në një kalendar aktivitetesh. Në 2018 tema e cila do të shoqërojë të gjithë veprimtaritë është Trashëgimia Kulturore për Brezat që udhëhiqet nga Grupi i Punës së ICOMOS për Profesionistët e Rinj. Shkëmbimi i eksperiencave dhe kalimi i njohurive ndërmjet brezave është hap i rëndësishëm në zhvillimin kulturor, duke e bërë përvojën njerëzore të paharrueshme. Lidershipi/ Profesionistët e Rinj në çdo vend do të jenë në krye për të organizuar aktivitet që kanë për synim të komunikojnë me anëtarët më të rinj të shoqërisë e opinionit publik duke dëshmuar përdorimin sa më krijues të medias sociale. Ndërkohë Drejtoria e Programeve të Zhvillimit të Kulturës në përmbushje të programit të saj në funksion të ruajtjes, mbrojtjes dhe promovimit të trashëgimisë dhe identitetit tonë kombëtar në bashkëpunim me institucionet e saj, nën okelion “Edukimi përmes kulturës” e cila përputhet dhe me temën e përzgjedhur nga ICOMOS për 2018 ka përgatitur një listë aktivitetesh kulturore. Në këtë ditë hyrja në monumente, parqe kombëtare dhe site arkeologjike është falas.