Berisha i bën video Tahirit: Kërcënoi Ramën, tani është në Kuvend
Ish- kryeministri, thirrje të dalë jashtë
Ish-
Kryeministri Sali Berisha dhe deputetët e tjerë të opozitës janë larguar nga salla e Kuvendit pas fjalimit të kryedemokratit Lulzim Basha dhe mbërritjes pas disa muajsh mungesë në parlament të ish- ministrit të Brendshëm, Saimir Tahiri. Teksa opozita po largohej nga salla e Kuvendit, ishkryeministri Sali Berisha teksa ishte në një video ' live' ka kthyer kamerën drejt ish- ministrit Saimir Tahiri. Të dy patën disa replika me njëri- tjetrin, ku Tahiri i buzëqeshur ka thënë vetëm "pse je çmendur kështu o burr", duke injoruar thirrjet e Berishës për të nxjerrë jashtë ish- ministrin. "Nxirreni jashtë Saimir Tahirin", është shprehur Berisha, teksa vijon të përmendë implikimin e tij në dosjen "Habilaj". Ndërkohë, në një deklaratë për mediat jashtë sallës së Kuvendit, Berisha tha se Rama me qëndrimet e tij kërcënon hapjen e negociatave këtë vit. "Në një kohë që fut Saimir Tahirin për të kremtuar në parlament pas betejës që bëri dje, e morët vesh takimin me Gaz Demin dhe mesazhet shkonin direkt në takimin me Mogherinin. Çfarë i thoshte Saja atij… dhe prandaj doli e tha ' mua kryegjykatësit nuk më ka ardhur asgjë nga prokuroria për Sajen', d. m. th është i pastër. U çonte mesazhe prej rrugaçi parlamentarëve gjermanë në mënyrën më të pafytyrë, të cilët janë shtylla të Bundestagut dhe njerëz me seriozitet dhe dashamirësi të madhe për Shqipërinë. Edi Rama pra me këto shfazime, me këto qëndrime kërcënon në mënyrë shumë serioze hapjen e negociatave këtë vit", theksoi z. Berisha.
REPLIKAT
Sali Berisha: Ja pra, po e festoni me Habilajt.
Saimir Tahiri: Sa ke rrjedhur, po si je çmendur kështu mo?
Sali Berisha: E dini ç'i bëri Edi Ramës dje apo jo? Po nuk fole, t'i nxora dosjet, i tha . Ja ku e keni. Ja ku e keni dëshminë e pengut të kryeministrit tuaj. Pyeteni çfarë i tha Gaz Demit dhe Dash Pezës ky.
Saimir Tahiri: O Sali, po si je çmendur kështu?