Abuzime me tenderët, Dhori Kule: Më hetoni, kam respektuar ligjin
Prokuroria sekuestron dosjet e tenderëve të zhvilluara në Universitetin e Tiranës "Kjo zhurmë nuk duhet të sfumojë problemet e universitetit"
Ditën e djeshme është bërë sekuestrimi i tenderëve ndër vite në Universitetin e Tiranës nga prokurorët e Krimeve të Rënda. Këta të fundit kanë marrë nën hetim rektorin e këtij institucioni të arsimit të lartë, Mynyr Koni si dhe ish- rektorin, tashmë dekan në Fakultetin e Ekonomikut, Dhori Kule. Deri më tani dyshohet se dy të sipërpërmendurit janë përfshirë në korrupsion e shpërdorim detyre e grupi hetimor ka nisur verifikimet e para për zbardhjen e çështjes. Pas kësaj, Kule ka reaguar në një deklaratë për mediat, ku ka shprehur gatishmërinë për t'u përballur me drejtësinë. "Absolutisht jam i hapur të hetohem për kohën kur kam qenë unë, për të tjerët para meje, por nuk është ky problem i Universitetit të Tiranës. Prokuroria është e mirëpritur në të gjitha nivelet. I siguroj të gjithë personat që kam punuar se më ka udhëhequr vetëm respektimi i ligjit", tha dekani i Ekonomikut. Më tej ky i fundit komentoi edhe projekt - raportin e përpiluar nga Ministria e Arsimit, e cila konstaton probleme në administrimin e brendshëm të Universitetit të Tiranës. "Të befasuar nga raporti. Kjo zhurmë nuk duhet të sfumojë problemet e universitetit"- tha Kule. Ndërkohë dy ditë më parë, Rektori i Universitetit të Tiranës, Mynyr Koni, i bëri thirrje prokurorisë t'i shkojë deri në fund çështjes dhe të hedhë dritë mbi të vërtetën. "Bazuar në publikimet në media ditën e mërkurë datë 18.04.2018, shpreh mbështetjen personale dhe institucionale për hetimet e Prokurorisë së Krimeve të Rënda. Gjithashtu, i bëj thirrje Prokurorisë së Krimeve të Rënda të ndërmarrin një hetim të plotë, të shpejtë dhe të thelluar. Në mënyrë të përsëritur, i bëj kërkesë organeve kompetente të drejtësisë të ndërmarrin një hetim të plotë mbi të gjithë aktivitetin financiar të Universitetit të Tiranës në 10 vitet e fundit deri në ditën e sotme", deklaroi rektori i Uni- versitetit të Tiranës, Mynyr Koni. Ky hetim ndaj dy akademikëve vjen pas një përplasjeje publike mes tyre të shënuar pak muaj më parë në qarqet universitare. Sakaq kujtomë se kjo është hera e dytë që emrat e profesorëve lakohen në institucionin e prokurorisë për Krime të Rënda. Dy vite më parë, të dy dhanë shpjegime përpara "Absolutisht jam i hapur të hetohem për kohën kur kam qenë unë, për të tjerët para meje, por nuk është ky problem i Universitetit të Tiranës. Prokuroria është e mirëpritur në të gjitha nivelet. I siguroj të gjithë personat që kam punuar se më ka udhëhequr vetëm respektimi i ligjit",tha dekani i Ekonomikut.
prokurorëve, për kërcënimin e bërë nga Emiljano Shullazi, i cili kërkonte tërheqjen e Mynyr Konit nga gara për Rektor i Universitetit të Tiranës