Vizat turistike në SHBA, ja ku duhet të keni kujdes
Hapat që duhet të ndiqni për të aplikuar, si duhet të veproni kur kërkesa refuzohet Ambasada: Ligje tepër strikte për emigracionin
"Si zyrtarë të Qeverisë së Shteteve të Bashkuara dhe si oficerë konsullorë, autoriteti ynë vendimmarrës mbi vizat, si për lëshimet, edhe për refuzimet, është tërësisht i lidhur me ligjin e Shteteve të Bashkuara mbi emigracionin, më saktësisht Akti i Imigracionit dhe Nënshtetësisë"
teteve të huaja që duhet të bëjnë një lidhje në Shtetet e Bashkuara si pjesë e atij udhëtimi.
KRITERET
Në përgjithësi, një shtetas i një shteti të huaj që kërkon të hyjë në SHBA duhet së pari, të marrë një vizë të SHBA- ve, e cila vendoset në pasaportën e udhëtarit. Disa udhëtarë ndërkombëtarë mund të kualifikohen për të hyrë në Shtetet e Bashkuara pa vizë nëse plotësojnë kërkesat e programit të Mosnevojitjes së Vizave për të hyrë në SHBA. Programi i udhëtimit pa vizë ( VWP) lejon që udhëtarët, me një pasaportë të vlefshme elektronike, të hyjnë në Shtetet e Bashkuara pa vizë për deri në 90 ditë për arsye biznesi ose turizmi. Të gjithë atyre që udhëtojnë për në Shtetet e Bashkuara për arsye tjetër, përveç biznesit ose kënaqësisë, u duhet vizë. Udhëtarët që kualifikohen për programin e Mosnevojitjes së Vizës për të hyrë në SHBA duhet të marrin autorizim për të hyrë në Shtetet e Bashkuara duke përdorur Sistemin Elektronik për Autorizimin e Udhëtimit ( ESTA). Udhëtarët, aplikimi ESTA i të cilëve është refuzuar dhe përsëri duan të udhëtojnë për të Shtetet e Bashkuara, duhet të plotësojnë një aplikim për vizë joimigruese. Disa udhëtarë që janë qytetarë të një shteti partner të programit të udhëtimit pa viza mund të mos arrijnë ende të udhëtojnë për në Shtetet e Bashkuara në kuadër të këtij programi.
APLIKIMI
Nëse duhet të aplikoni për një vizë që të udhëtoni në SHBA- ve, procesi përfshin disa hapa si: përcaktoni llojin e vizës që ju duhet për të udhëtuar në Shtetet e Bashkuara; plotësoni formularin e aplikimit DS- 160 në internet ku secili aplikues duhet ta plotësojë këtë formular përpara se të përdorë shërbimet në këtë faqe interneti. Gjithashtu, duhet të krijoni një llogari përdoruesi; të vendosni numrin e konfirmimit DS160 për secilin aplikues që aplikon për një vizë. Plotësoni procesin e kthimit të dokumenteve nga korrieri, paguani tarifën( at) e aplikimit për vizë joimigruese ( MRV), caktoni një takim në Seksionin Konsullor si dhe ndiqni takimin në Seksionin Konsullor. "Informacioni i printuar në një vizë të lëshuar nga SHBA- të duhet të jetë i njëjtë me informacionin në pasaportën e aplikuesit. Nëse zbuloni një gabim ( gabim shtypi, gabim në datën e lindjes, gabim në datën e skadimit, etj.) në vizën tuaj amerikane, aplikanti ose një përfaqësues i autorizuar mund të dërgojnë një email në adresën: TiranaUSConsulate@ state. gov.
VIZA E REFUZUAR
Nëse një aplikuesi i është refuzuar viza, zyrtari konsullor do t'i japë aplikuesit një letër në të cilën do të shpjegohet pse i është refuzuar viza. Nëse letra e refuzimit ka të shënuar 214( b), do të shpjegojë në përgjithësi se aplikimi nuk kualifikohet për një vizë në ndjekje të ligjeve të imigracionit të SHBA- ve. Nëse aplikuesi zgjedh të aplikojë sërish, ai duhet të paraqesë një aplikim të ri, të paguajë një pagesë të re për vizën dhe duhet të japë informacion se si kanë ndryshuar rrethanat që nga aplikimi i mëparshëm për vizë. Nëse letra e refuzimit ka të shënuar 221( g), në përgjithësi do të përfshijë veprime shtesë që duhet të kryejë aplikuesi për të vazhduar me aplikimin e tyre për vizë. Letra do të ketë edhe udhëzime se si të kryhen hapat shtesë të kërkuar. Aplikuesit nuk do t'i duhet ta paguajë përsëri tarifën e aplikimit për vizë. Në disa raste aplikimet kërkojnë shqyrtim të mëtejshëm administrativ, që mund ta vonojë gjykimin për vizë. Në rast se shqyrtimi administrativ kërkohet, letra po ashtu do të ketë të shënuar 221( g) dhe do të jepen udhëzime shtesë.