PE, Kukan: Mirëpresim integrimin, por luftë krimit dhe korrupsionit
Eurodeputeti: Së shpejti Shqipëria do të ketë një shans për të filluar negociatat! "Rekomandimi, qeveria të japë rezultate"
Eurodeputeti dhe anëtar i Komisionit të Punëve të Jashtme të Parlamentit Europian, Eduard Kukan i kujton Tiranës zyrtare që duhet të vazhdojë të japë rezultate konkrete në luftën kundër krimit të organizuar dhe korrupsionit. Kukan përshëndeti dje rekomandimin e Komisionit Europian për çeljen e negociatave të Shqipërisë me Bashkimin Europian. Në një prononcim për ATSH, eurodeputeti Kukan shprehet se, "Unë e mirëprita dhe mbështes rekomandimin e Komisionit për të hapur negociatat e pranimit me Shqipërinë. Shpresoj që së shpejti vendi do të ketë një shans për të filluar negociatat dhe për të nxitur proceset e reformave". Eurodeputeti Kukan vë në dukje se Shqipëria duhet të bëjë përparime në sundimin e ligjit dhe të ketë rezultate të prekshme. "Shqipëria duhet të ripohojë përparimin në sundimin e ligjit dhe të vazhdojë të japë rezultate të prekshme në luftën kundër korrupsionit dhe krimit të organizuar"- deklaroi Kukan. Kurse kryeministri i vendit, Edi Rama në një intervistë për një nga gazetat më të mëdha në Gjermani, ' Sueddeutsche Zeitung' foli për rekomandimin për hapjen e negociatave, deklaratat e Presidentit francez për zgjerimin, Angela Merkel dhe Ballkanin Perëndimor. Pas pak ditësh Rama do të vizitojë Berlinin ku do të takohet me Merkel. Ashtu sikur deklaroi edhe në konferencën me Mogherinin pas marrjes së rekomandimit, Rama shprehet se nuk po trokasim në derën e BE- së për t'u bashkuar nesër, thjesht duam të ulemi në tryezën e negociatave. Por çfarë ndodh nëse nuk hapen negociatat në qershor? Kryeministri shqiptar ' kërcënon' me fluks emigrantësh duke thënë se nëse perspektiva e BE- së është e errët, njerëzit do të duan të largohen nga vendi. "Ne nuk po trokasim në derën e BEsë për t'u bashkuar nesër, thjesht duam të ulemi në tryezën e negociatave. Rekomandimi i Komisionit nuk është një dhuratë, nuk është lëmoshë, bazohet në arritjet tona. Nëse perspektiva europiane errësohet dhe politika afatshkurtër triumfon mbi strategjinë afatgjatë, njerëzit do të duan të largohen. Nëse fillojmë negociatat, është një injeksion i fortë i shpresës dhe një per- Eurodeputeti Eduart Kukan vë në dukje se Shqipëria duhet të bëjë përparime në sundimin e ligjit dhe të ketë rezultate të prekshme. "Shqipëria duhet të ripohojë përparimin në sundimin e ligjit dhe të vazhdojë të japë rezultate të prekshme në luftën kundër korrupsionit dhe krimit të organizuar" deklaroi Kukan.
spektivë e qartë për të gjithë. Nuk është vetëm çështje për t'u bërë pjesë e BE- së, është në interes të vetë BE- së që të integrojë Ballkanin Perëndimor, një rajon që qëndron në zemër të Evropës. Ne e dimë se çfarë do të thotë luftë, ne e dimë shkatërrimin që vjen kur nuk zgjedh paqen dhe bashkëpunimin",- shprehet z. Rama.