Paloka kundër qeverisë: Tani s'gënjeni dot duke thënë se është pozitiv
Nënkryetari
i PD- së Edi Paloka, reagoi dje kundër qeverisë në lidhje me raportin e Departamentit Amerikan te Shtetit. Në një status në ' Facebook', ai shkruan se këtë herë "ata nuk dalin dot të gënjejnë me paturpësi se raporti është pozitiv për qeverinë". "Asnjë reagim nga Rama për raportin e Departamentit Amerikan të Shtetit! Asnjë reagim nga asnjë prej ministrave! Asnjë reagim nga asnjë prej funksionarëve të "Rilindjes"! Asnjë reagim prej mediave apo "analisteve" të paguar nga Rama. Të gjithë këta, që edhe kur ndonjë punonjësi të ambasadës i bie rruga e kalon afër kryeministrisë, bërtasin fort për "mbështetje amerikane ndaj kryeministrit tone", për Raportin e Departamentit të Shtetit kanë mbyllur sytë, veshët dhe gojën!," shkruan Paloka. Sigurisht shton ai, këtë herë nuk dalin dot as të lexojnë fjali të shkëputura e të thonë me paturpësi ( siç kanë bërë në fakt herë tjetër) se raporti është pozitiv për qeverinë…. "Zgjedhje të blera. Qeveri e korruptuar në çdo degë. Drejtësi dhe media të kapura e të shantazhuara. Tani ju mbetet vetëm të dalin e të thonë që Departamenti i Shtetit nuk përfaqëson Departamentin e Shtetit…", shprehet nënkryetari i PD- së.
DEKLARATA
"Të gjithë këta, që edhe kur ndonjë punonjësi të ambasadës i bie rruga e kalon afër kryeministrisë, bërtasin fort për "mbështetje amerikane ndaj kryeministrit tonë", për Raportin e Departamentit të Shtetit kanë mbyllur sytë, veshët dhe gojën!", tha nënkryetari i PD, Edi Paloka.