Ndryshimet në statutin e PD, 25 anëtarë largohen nga kryesia
Largimet, nga Bylykbashi, Vokshi, Tabaku e Pollo, te Shehu e Malltezi Kandidimi, garojnë përmes votimit të fshehtë
Dokumenti me ndryshimet e propozuara në statutin e Partisë Demokratike i heq nga duart kryetarit për të vendosur për aleancat dhe marrëveshjet politike. Neni 50, pika 4 shkronja ' d', parashikon që Këshilli Kombëtar, me propozim të Kryesisë apo kryetarit, miraton koalicionet para apo pas zgjedhore. Këshilli Kombëtar miraton, gjithashtu, strategjitë dhe programin elektoral e politik të PD.
Jozefina Topallit iu dha mundësia të rikthehet në Këshillin Kombëtar, por figura të tjera qendrore largohen prej kupolës drejtuese të Partisë Demokratike. Ndryshimet e reja statutore të miratuara nga Këshilli Kombëtar i PD- së pritet të çojnë në një ulje të ndjeshme të numrit të anëtarëve të kryesisë nga 57 që ka aktualisht. Paketa që kaloi në unanimitet i heq të drejtën 25 krerëve të departamenteve drejtuese të PDsë të jenë pjesë e këtij forumi. Gjithsej nga Kryesia e PD përjashtohen automatikisht 25 figura të kësaj partie. Të gjithë të përjashtuarit, për t'u bërë sërish anëtarë të Kryesisë, duhet të kandidojnë dhe të zgjidhjen me votim të fshehtë nga Këshilli Kombëtar. Por, me votim nga Këshilli Kombëtar, mund të zgjidhjen vetëm 15 anëtarë, një numër mjaft i reduktuar në krahasim me numrin e të larguarve. Me miratimin në Kuvendin Kombëtar, kryesia e re nuk do këtë më disa prej figurave aktuale si; Jamarbër Malltezi , i cili aktualisht mban postin e Kreut të Departamentit të Ambientit, Pyjeve dhe Turizmit. Pjesë e saj nuk do të jenë më as Florion Mima që kryeson departamentin e ekonomisë dhe tregut, Sherefedin Shehu i Financave publike apo dhe Suzana Guxholli që drejton departamentin e Energjisë dhe Burimeve Natyrore. Automatikisht ndryshimet e reja prekin edhe 8 prej deputetëve që aktualisht janë kryetarë apo nën/ kryetarë në komisionet parlamentare. Listës së gjatë të atyre që nuk do jenë më pjesë e këtij forumi i shtohen edhe Flamur Noka, Oerd Bylykbashi, Jorida Tabaku, Albana Vokshi, Genc Pollo, Bardh Spahia, Florion Mima dhe Tritan Shehu. Në statutin e ri përcaktohet që kryesia e Partisë Demokratike përbehet nga kryetari, dy nën/ kryetarët, Sekretari i Përgjithshëm dhe ata funksionalë të zgjedhur nga Këshilli Kombëtarë, krerët e organizatave partnere, zëdhënësi, sekretari për marrëdhëniet ndërkombëtare, si dhe 15 anëtarë të zgjedhur Ndryshimet në statut parashikojnë që thyerja e disiplinës së brendshme të Partisë, ndërmarrja e veprimeve, në çdo formë apo mënyrë, që dëmtojnë interesat elektorale apo politike të PDSH, dhe mosplotësimi i detyrimeve të anëtarësisë sjell sanksione dhe kufizime të të drejtave të anëtarit të PDSH. Masat disiplinore që mund të merren ndaj anëtarëve janë: paralajmërimi, pezullimi dhe përjashtimi. Këto masa merren sipas rastit nga Kryesia e Degës ose Kryesia e PDSH, dhe konfirmohen dhe/ ose mund të apelohen përpara Komisionit të Apelimit.