Kadilli: Edhe mua Basha s'më bëri deputet, por s'iu ktheva kundër
"Statuti nuk hartohet për ' eliminimin' e kryetarit"
Sekretari
për burimet njerëzore në PD Fatbardh Ka dilli, i cili ishte edhe pjesë e grupit të punës për ndryshimet në statutin e kësaj partie, ka një përgjigje për të gjithë kritikët e Lulzim Bashës. Kadilli theksoi se statuti i partisë nuk hartohet për ' eliminimin' e kryetarit, por për të sanksionuar rregullat e funksionimit të partisë. Mes shpjegimeve të tij, duke shtuar se janë sqarime të ftohta, demokrati shton se Shqipëria ka nevoje për alternativë dhe për shpresë. Po ashtu ai pohon se e keqja e këtij vendi është kryeministri Rama. "Statuti i partisë nuk hartohet me qëllim "eliminimin" e kryetarit, qoftë ky dhe Lulzim Basha, por për të sanksionuar rregullat e funksionimit të partisë…. Të sanksionosh në statut dorëheqjen e kryetarit nëse humb zgjedhjet do të thotë të mbash gjithmonë një "luftë" të hapur brenda forcës politike. Çdo parti ka njerëz dhe grupe që nuk e duan kryetarin dhe natyrisht humbja e zgjedhjeve do të ishte një rast i mirë për ta për të punuar kundër vetëm për largimin e tij",- shprehet z. Kadilli.
me votim të fshehtë nga Këshilli Kombëtar. PD- ja ndryshoi rregullat për zgjedhjen e kandidatëve për deputetë dhe kryetar bashkie. Nëse sipas statutit aktual, kandidatët për deputetë dhe kryetar bashkie i zgjidhte kryetari në limitet e fundit kohor, duke anashkaluar strukturat e partisë, statuti i ri Partisë Demokratike parashikon një mekanizëm të ri për përzgjedhjen dhe miratimin e kandidaturave. Vlerësimi i kandidaturave do të bëhet nga një komision i posaçëm. Komisioni i dërgon Kryesisë së PD raportet vlerësuese për secilin kandidat. Më pas, në bazë të nenit 53, pika 5, shkronja ' c', Kryesia e PD vendos për kandidatët pas konsultimit me anëtarësinë e partisë. Kryesia ia ka-
lon listën Këshillit Kombëtar të Partisë Demokratike. Këshilli Kombëtar i PD, në bazë të nenit 50, pika 4, shkronja ' b', miraton listën e kandidaturave elektorale për kryetar bashkie apo për deputet. Sipas statutit të ri, Komisioni i Vlerësimit të Kandidatëve, është strukturë ndihmëse e Kryesisë së PDSH dhe ka në përbërje 5 anëtarë. Anëtarët e Komisionit të Vlerësimit të kandidatëve zgjidhen nga Këshilli Kombëtar me propozim të Kryesisë së PDSH. Sipas statutit të ri, komisioni i raporton Kryesisë së PD mbi përmbushjen nga kandidatët të kritereve të parashikuara, të pastërtisë së figurës, si dhe të elementëve të tjerë të nevojshëm për ecurinë në karrierë sipas këtij Statuti.