Rinas, arrestohet nga Policia Kufitare një çift nga Turqia, posedonin dokumente false
RINAS - Një çift të rinjsh nga Turqia janë arrestuar ditën e djeshme në Rinas, pasi tentuan të udhëtonin drejt Anglisë me pasaporta false. Burime zyrtare nga Policia e Shtetit bënë me dije se bëhet fjalë për shtetasin Ozan I., 21 vjeç, dhe Elif I., 18 vjeçe, lindur dhe banues të dy në Turqi. Dy të rinjtë prej disa ditësh kishin ardhur në Shqipëri, ndërsa kishin si destinacion Londrën. Specialistët për Hetimin e Krimit në Komisariatin e Policisë Kufitare Rinas, arrestuan në flagrancë çiftin turk, për veprën penale "Falsifikimi i pasaportave, letërnjoftimeve ose i vizave" dhe "Falsifikimi i vulave, stampave ose i formularëve" e kryer në bashkëpunim. Bëhet me dije se shtetasit e mësipërm, janë të fejuar dhe janë ndaluar nga shërbimet e Policisë Kufitare Rinas në dalje, pasi janë kapur me dokumente udhëtimi angleze të falsifikuara. Këta shtetas do të udhëtonin në drejtim të Londrës, të cilët kishin hyrë në Shqipëri disa ditë më parë nga Turqia. Dokumentet e falsifikuara u sekuestruan në cilësinë e provës materiale. Materialet i kaluan Prokurorisë së Rrethit Gjyqësor Tiranë për veprime të mëtejshme.
ÇIFTI TURK
Ozan I., 21 vjeç, dhe Elif I., 18 vjeçe, janë të fejuar dhe janë ndaluar nga shërbimet e Policisë Kufitare Rinas në dalje, pasi janë kapur me dokumente udhëtimi angleze të falsifikuara. Këta shtetas do të udhëtonin në drejtim të Londrës, të cilët kishin hyrë në Shqipëri disa ditë më parë nga Turqia.