Krichbaum: Negociatat me Shqipërinë, të parakohshme
Deputeti gjerman: Problematik, niveli i lartë i korrupsionit dhe krimit të organizuar "Koha nuk është maturuar ende"
Kryetari i Komisionit për Çështjet Europi ane në Parlamentin gjerman, Gynter Krichbaum e vlerëson si të parakohshme hapjen e negociatave të anëtarësimit me Shqipërinë. Pas replikave Basha- Rama të disa ditëve me parë lidhur me deputetët europiane, të cilët janë skeptikë sa i takon rekomandimit pozitiv të KE për Shqipërinë për hapjen e negociatave me BE, reagoi dje vetë politikani i CDU- së, Gunther Krichbaum. Përmes një postimi në "Facebook", ai vë në dukje se koha nuk është maturuar ende. Gunther Krichbaum ndalet tek seanca e së enjtes, ku opozita hodhi miell, ujë dhe vezë në Kuvend. "Në këtë fazë, unë besoj se negociatat e pranimit me Shqipërinë janë të parakohshme. Më shumë detaje për pozicionin tim këtu, mund t'i shihni nga këto pamje", shprehet ai. Krichbaum bën të qartë: "Momentalisht, hapja e negociatave të anëtarësimit me Shqipërinë është e parakohshme". Ai postoi në profilin e tij edhe një shkrim të së përditshmes "Tagesanzeiger", në të cilin vetë ai flet me kritika për krimin e korrupsionin. "Mbi të gjitha, niveli i lartë i korrupsionit dhe krimit të organizuar është problematik", theksoi deputeti gjerman, Gunther Krichbaum. Në shkrimin e së përditshmes gjermane citohet edhe deputeti social- kristian Florian Han, i cili ka kërkuar ngritjen e një komisioni me deputetë të shumicës qeverisëse në Bundestag për të vlerësuar nëse Shqipëria i përmbush kriteret për hapjen e negociatave të anëtarësimit në Bashkimin Europian. Han shprehet se nuk do të ketë asnjë lëshim politik. Qëndrimet kritike të deputetit kristiandemokrat, Gynter Krichbaum pas rekomandimit të Komisionit për hapjen e negociatave të Shqipërisë, shkaktuan polemika të ashpra në Tiranë. Të shtunën e kalu-
ar kryedemokrati Basha në një deklaratë nga selia blu akuzoi direkt kryeministrin Rama se po përdor paratë e krimit për një fushatë sulmesh e shpifjesh ndaj deputetit gjerman. Por pas këtyre akuzave, reagoi edhe
kreu i qeverisë, Edi Rama. Kryeministri akuzoi kryedemokratin Lulzim Bashën se të njëjtat akuza i ka përkthyer në gjermanisht dhe i ka çuar në Berlin, duke dëmtuar kështu Shqipërinë, ndërsa kreu demokrat tha "Momentalisht, hapja e negociatave të anëtarësimit me Shqipërinë është e parakohshme. Mbi të gjitha, niveli i lartë i korrupsionit dhe krimit të organizuar është problematik", theksoi deputeti gjerman z. Krichbaum.
se qeveria ka nxitur sulme të ulëta në media ndaj kryetarit të Komisionit të Çështjeve të Bashkimit Europian në Parlamentin Gjerman, vetëm përse ai thotë të vërtetën mbi realitetin shqiptar.